مطعم سلطنة للمشويات

Motaz Bellah Hesham

سلطنة مطعم من المطاعم الكويسة جدا جدا في مجال الساندوتشات وخصوصا البانيه والشاورمة والكفتة، انا جربته اكثر من مرة وشايف انه مطعم ممتاز جدا من حيث النظافة، وجودة الطعام والمذاق، والستاف الرائع اللى على اعلى مستوى من الكفاءة، صراحة انا ماجربتش قبل كدة اقعد في المطعم نفسه ولكن دايما بجيب تيك اواى من هناك، والحمد لله على طول بلاقي ركنة للعربية لان الشارع هناك فاضي على طول وخصوصا فرع مكرم عبيد، وانا شايف ان سلطنة مطعم رائع وممتاز وبنصح كل الناس انها تجرب ساندوتشات الكفتة والفراخ والشاورمة لانها بجد احلى مذاق ممكن تاكله من سلطنة.

Hany Fathy

ده من أحسن المطاعم اللى تأكل عندها ساندوتشات كفتة وطرب. أنا بقالى 8 سنين بأكل من هناك من ساعة ما أشتغلت فى يلو بيدجز لأنه برضه زى يامال الشام فى الشارع اللى كان أدام فرع مصر الجديدة القديم. وتقريبا معظم الفرع كنا بنطلب ديلفرى لما بنرجع المكتب آخر النهار وبالرغم إن ده كان وقت غداء يعنى المفروض إنه وقت الذروة للمطعم إلا غن الآوردر عمره ماكان بيتأخر يعنى بالكتير 25 دقيقة. هما ليهم فرع كمان فى شارع صقلية وده ميزته إنه فى صالة للطعام مش زى الفرع التانى شغال على الديلفرى وال take away والأحسن إنك تطلب ديلفرى لأنك صعب قوى تركن العربية عندهم. بس فرع صقلية تعرف تركن براحتك. هما دلوقتى كمان بدأوا يعملوا أكلات تانية غير الكفتة والكباب يعنى مكرونة فرن و أرز بالكارى وكمان فراخ مشوية بس الصراحة أنا ما جربتش غير الكفتة. و أنتو كمان لازم تجربوها.