ميجا ساندويتش

Marium Mohamed

مكان حلو اوى علشان تأكل منه سندوتشات بجد. سندوتشاته خرافة و طعمها مش هتدوء ذيه فى اى حته تانية.بس المشكلة الكبيرة انه ليه فرعين اتنين بس فى مصر واحد فى هليوبلس و ده الى رحته بصراحة المكان مش مريح اوى و الافضل انك تاخد اكلك تيك اواى لان لمكان مش كبير و مش هتعجبك القعدة. رحنا و لما شفنا المكان كده زحمة و مفيش مكان لينا نعد براحتنا خدنا سندوتشاتنا و مشينا المهم طلبنا كوردون بلو و كان بصراحة حلو اوى و كان فيه وسط و كبير و ميجا اسعارهم 12.5 و 16 و 18.5 بالترتيب و كمان طلبنا تشيكن بانية بردو كان حلو جدا و كان بردو موجود بنفس الاحجام و الميجا بيكون معا بطاطس و بيبسى صحيح هوه لسه جديد و مش مشهور بس هوه حلو اوى.

Nourhan Sobhi

مطعم مناسب جدا لو عايز تاكل ساندويش او تطلب ديليفرى، لو مش عندك عربية وعايز تروح فرع مصر الجديدة محطة سراى القبة هتكون اسهل و اقرب حاجة ليك. مسموح بالتدخين فى المطعم بس مش بيقدم شيشة، عندهم تليفزيون وساعات بيشغلة مزيكا بس مفيش واى فاى، الاسعار مناسبة جدا. ممكن تاخد ساندويش و فرايز وكولا ب 20 او 25 جنية تقريبا. عندهم منيو للاطفال و ممكن تعمل عيد ميلاد او حفلة صغيرة عندهم. المكان مش كبير وتقريما بيستوعب حوالى 60 فرد والحجز هناك مش ضرورى طبعا. المطعم ممكن يعمل ديليفرى لاى مكان فى القاهرة خصوصا ان عنده اكتر من فرع، بس كل ما كنت بعيد عن الفرع اللى هيوصللك كل ما هتدفع اكتر اكيد.