Okashi

محمود ناجى نصرالدين محمد

مطعم اوكاشى من اشهر المطاعم وافضلها فى تقديم الماكولات اليبانية فى القاهرة ويكاد يكون فى مصر كلها. اما عن الاكل بقى بتاعه فبصراحة الاكل بتاعه جامد جدا ولا يعلا عليه وطعمه لذيذ جدا تحس انك قاعد تاكل فى اليابان. انا كل لما احب اكل اكل يابانى لازم اروح اكل من عنده بجد خطير جدا. اما بقى عن اسعاره فهى مناسبة لجودة الاكل. وكمان الخدمة هناك متميزة جدا والمكان هناك هادى اوى والديكور جامد وشيك اوى.وكمان بيشغل موسيقى هادئة حلوة جدا. وكمان المحل نظيف جدا وطبعا النظافة اهم حاجة فى اى مكان بيقدم ماكولات. وكمان استف العاملين هناك محترم جدا وشيك جدا . بس بصراحة مش عارف اذا كان المطعم له فروع تانية ولا لا. بجد لازم تجربوا تاكلوا من عنده.

Motaz Bellah Hesham

اوكاشي من المطاعم المتميزة جدا ومن افضل المطاعم اليابانية في مصر، سر تميز اوكاشي بيرجع لكذا حاجة منها الموقع المتميز جوة فندق جراند حياة الزمالك وجوة المطعم بتبقى كاشف جزء كبير من القاهرة، الاكل اللى جوة ممتاز جدا جدا وخصوصا السوشي والسمك والرز، الستاف اللى جوة محترم جدا جدا وعلى مستوى عالى من الكفاءة، وكذلك المطعم على مستوى عالى من النظافة، ستايل وديكور المطعم حلو اوى و اجواء يابانية حقيقية، موسيقى هادئة، و ده غير ان مفيش اي مشكلة في الباركينج، صراحة مطعم لا ينقصه شىء وانا شايف ان العيب الوحيد اللى ناقص اوكاشي ان الادارة تزود عدد فروع المطعم.