ارابياتا

Mohamed Abdel Rashid

احسن قرص طعمية محشوة بالشطة و اكبر ساندوتش فول وطعمية تتخيله تجده فى الشبراوى ارابياتا . انا دائما انا و اصداقائى فى ايام الجامعة نأكل من فرع روكسى. توجد العديد من المطاعم فى مصر باسم الشبراوى الآن شبراوى ارابياتا يبقى الاميز و الاقوى و لتميز اكثر سمى بإسم شبراوى ارابياتا. يتميز بابتكاره العديد من انواع السندوتشات من الفول والطعمية والبطاطس. عنده ساندوتشات زى بطاطس محمرة مع باذنجان و بطاطس باللحمة المفرومة و ساندوتش دجاج شيش طاووق عنده تحفة جميلة اوى. فول بالبيض و بابا غنوج و فول اسكندرانى هو عبارة عن فول و طماطم و بصل و فلفل و ساندوتش فول ارابياتا عبارة عن فول و طماطم و خيار و سلطة طحينة . ام السلطات يوجد جميع انواع السلطات و التبولة و باذنجان مخلل. هذا بالإضافة الى الوجبات التى يقدمها المطعم مثل العدس و البصارة و فتة شاورما عبارة عن طبق كبير من الشاورما اللحم او فراخ و ارز و قطع خبز محمص و صلصة طماطم و الحلويات مثل ارز باللبن و كريم كراميل. و الاسعار ليست غالية مثلا ساندوتش الطعمية ب 2 جنيه و ساندوتش البطاطس ب 2 جنيه و ربع. و الخدمة رائعة وان كان حصل موقف سيئ ذات مرة الا ان فى جميع الاحوال الخدمة متميزة

Manar El Kady

الشبراوي او ارابياتا من احسن مطاعم الفول والطعمية اكله كله مميز جدا ودايما في الشغل لما بنفكر نطلب فطار بنطلب منه كل ساندويتشاته حلوة اوي وفعلا بوفيه السلاطات فيه حلو جدا ونظيف ومتنوع وكل فروعه حلوة جدا خصوصا فرع الرحاب القعدة فيه حلوة اوي بالليل

Medo Medo

المطعم ده انا اكلت فيه اكتر من مره و الاكل فيه هايل و فعلا ان اقوي حاجه عنده هي بوفيه السلطات و الاكل عنده فعلا مميز عن اي مطعم فول وطعميه و الخدمه هناك ممتازه بس في اوقات الزحمه الاكل ممكن يتاخر شويه لان المطعم مشهور و في اوقات كتير بيبقي زحمه و الحاجه الكويسه اوي ان هما عندهم سندوتشات اللحوم زي الشاورمه طعمها حلو اوي هناك و المكان مكيف و شغال طول ايام الاسبوع و في فرع العبور فيه مكان خارجي و كمان في مكان داخلي ممكن تاكل فيه و عنده كمان توصيل طلبات للمنازل و الطلب بياخد في توصيله حوالي نص ساعه و اجمد حاجه ممكن تاكلوها عنده هي الطعميه حلوه اوي و كمان الجبنه الرومي المقليه