المدينة المنورة

Sameh Samir

انا اكلت من المدينة المنورة قبل كده وافل بالشيكولاته وكان فظيع فظيع جدا جدا بقيت كل لما اروح هناك اطلب وافل بالشيكولاته وخاصة لما بيكون ساقع .. فرع الاسلكى فرع فى موقع مميز جدا وجنب مطاعم كتيرة اوى يعنى ممكن اى حد ياكل من اى مطعم جنبه وبعدين يروح يحلى عند البان المدينة المنورة وكمان فى هناك مكان واسع عشان حد يقعد ادام المحل هو الفرع بس مشكلته انه صغير ومافيش الا كاشير واحد هناك بس بيكون فى اكتر من واحد بياخد الاورد منك. المشروبات هناك جميلة اوى زى اللبن بالبلح، جميل جدا وطازج وطعم البلح جميل اوى ومتماشى مع اللبن وبصراحة الخامات اللى بيشتغلوا بيها نظيفة وطازجة وبيهتموا بيها وكمان كمياتها مناسبة. الزبادى والرز باللبن جميل اوى واسعار المحل معقولة .. ويعتبر المدينة المنورة من اول المحلات اللى شوفتها بتعمل عصائر ومنتجات البان مع الفواكه طازجة وباسعار مناسبة.

Dina Thakeb

من افضل محلات الالبان ومنتجاتها الموجودة بالمعادى. فتجد عنده الجبن بانواعها المختلفة ذات الطعم الفريد. ولم يقتصر فقط على الجبن بل تجده متميز ايضا فى البودينج والمهلبية والكاستر وقرع العسل والارز باللبن اللذيذ فسكره دايما مظبوط. كما يتميز ايضا بالوافل حيث الشوكولاتة الرائعة الممزوجة بالوافل ذات المذاق المميزوالكريب بالشكولاتة. كما انه ابدع فى الايس كريم ومن الانواع التى اعجبتى بالفعل الشكولاتة والكانتلوب والمانجو. اما العصائر فقد اشتهرت بها المدينة المنورة ومن الانواع التى اعجبتى عصير الرمان والبلح باللبن والبطيخ وغيرهم. المدينة المنورة دائما مزدحم وذلك لجودة منتجاته وتنوعها التى ترضى جميع الاذواق. ولشهرة المحل وتهافت الناس عليه ويجب ان يتم توسيع المكان, فالمكان ضيق. ومن الاشياء التى جذبت انتباهى واعجبتنى هى غلق المحل فى اوقات الصلاة وذلك لاداء الصلاة فى مواعيدها.

Heba Tullah Azzam

احلى حاجة عندهم الوافل بالبندق تحفة و دائما بيكون حلو اوى مع ايس كريم الكراميل او الفانيليا - الكريب نوتيلا بالموز كمان حلو اوى و كل المنتجات بتاعة الالبان حلوة اوى - الناس هناك محترمين جدا و عندهم كمان خدمة الديليفرى سريعة - ممنوع ركن العربية قدامة ممكن تركنها بعيد شوية و تتمشى - كمان لو رحت وقت الصلاه هتلاقى المحل مقفول لان كل الناس هناك بيروحو يصلو فى المسجد اللى قدام المحل و يبقفلو لحد ما تخلص الصلاة