اوريفليم ايجيبت

S S S N N N

شركة اوريفيلام من الشركات الرائدة لاشك فى مجال التجميل وهى تتبرع على العرش طبعا منتجاتها فعلا تناسب جميع الاذواق تناسب الشباب والرجال والنساء والفتيات..الخ. لي تحفظ بسيط على اسعارها لأن مش فى مقدور الجميع الحصول عليها. صحيح هى بتعمل خصومات بأستمرار لكن بردو اسعارها مش فى متناول الجميع منتجاتها فوق الرائعة متجددة بأستمرار. دايما الكتالوج بينزل فى ميعادة وبيبقى دايما فية جديد من منتجات وعروض بتلفت اليها الالنظار والمستخدمين من وجهة نظرى فأن الكريمات ومستحضرات العناية بالبشرة اليدين والقدمين(الكريمات عامة) اوريفيلم تحتل الصدراة فيها وبجدارة.

Mark Kamel

شركه اوريفلام ايجيبت من الشركات الرائده فى مجال مستحضرات التجميل، الشركه قدرت انها توفر للناس تقريبآ كل احتياجاتهم من مستحضرات التجميل بجوده عاليه، وكمان لا انسي ان الشركه بتجيب مستحضرات تجميل مستورده ماركات عالميه ليها اسمها وشهرتها ودة بيدى ثقه للمتعاملين مع الشركه فى جوده المنتجات، واللى ادى الشركه شهره كمان المعامله الجميله من القائمين على الشركه، اللى كمان بيوفروا ليك المنتجات حتى ولو ما كانتش عندهم والاسعار جميله جدآ، من الجيد اننا يكون عندنا فى مصر شركه زى شركه اوريفلام تقدر تثق فيها وكمان ترجع ليها فى اى وقت.

Manar El Kady

تعتبر شركة اوريفليم من اقوى الشركات في مجال منتجات التجميل والعناية بالشعر والبشرة بصراحة منتجاتها كتيرة وكلها حلوة جدا جدا وفيها تنوع يناسب جميع الاعمار والاذواق, المنتجات كلها مستوردة وفعلا استخدامها امن وبيجيب نتيجة حلوة كمان الماكياج بتاعها حلو اوي وفيه تشكيلة كبيرة واسعاره متفاوتة يعني بتناسب جميع الفئات, البرفانات كمان بتاعتها حلوة اوي سواء الحريمي او الرجالي ولو عايز تجيب هدية حلوة بيكون مناسب اوي انك تجيب البرفان بالمجموعة بتاعته لانها فعلا حلوة, كمان منتجات العناية باليدين و بالقدمين عندهم هايلة اوي, اسعارهم غالية حبتين بس الشركة كل شهر بتنزل كتالوج بمنتجاتها وبتعمل خصومات على منتجات معينة, وفي المناسبات زي عيد الام وعيد الحب وراس السنة بتعمل عروض تجنن, فروعهم بتغطي القاهرة كلها تقريبا وفي كل فرع في قسم خدمة العملاء وممكن انك تجرب المنتجات من القسم ده, كمان انت ممكن تشترك في الشركة وتكون عضو فيها وانا فعلا اشتركت فيها وكان ليا نسبة خصم على كل المنتجات ده بالاضافة انك لو دخلت اعضاء تانية معاك وزودتهم ده بيعود عليك بعائد مادي وهدايا كتيرة يعني بتشتري منتجات حلوة وكمان بتستفيد ومنتجات الشركة ممكن انك تشتريها بنفسك من اي فرع او تطلبها بالتليفون