اور كيدز - ملابس ولعب ومستلزمات الاطفال

Ahmed Saber

المكان ده بجد رائع جدا وفى موقع متميز اوى وفى حاجات فى الممتازه بجد كل منتجاته جميله اوى انا بعشقها وبعشق الاسكوتر اللى كان معايا وفكرته رائعه انه يكون مكان تحفه زى ده لخدمه الاطفال فى المنتجات اللى بيحتاجوها من لعب والى ذلك وبجد المكان اشهدله بالنظافه المستمره والناس اللى فيه كلهم كويسين واللى فى الدور التانى برده ناس جميله اوى وقسم الملابس بجد تحفه فى حاجات حلوه اوى هو بيقدم خدمه رائعه منتج كويس اسلوب من الناس رائع ومهذب اداره فوق الممتازه كل ده بيدل على روعه واناقه المكان واحلى حاجه فيه لما كنت هناك فى كل مره دايما كان بيصادفنى صلاه عصر وطبعا هما موفرين مكان للصلاه بجد انا بستمتع لما بروح هناك انا بحب اور كيدز.

Ehab Wassily

محل اور كيدز محل لعب من اول البيبى الى اللاطفال الكبار وانا صغير كنت بروح مع باباوماما واشترى منة اللعب بتاعتى ولما يكون فى عيد ميلاد لحد من اصحابى كنت بصمم انى اروح هناك اجيب الهدية ليهم لان اصحابى كانوا بيشوفوا اللعب بتاعتى كانوا بيحبوها اوى وفى مرة من المرات اشتريت من هناك حاجة اسمها جرجار ودة لما كنت فى ابتدائى وكان اصحابى عايزين منة كنت كل يومين اروح مع بابا واشترى الكمية اللى اصحابى يطلبوها منى واروح المدرسة اوزعها عليهم لدرجة ان بابا كان ساعات يروح كل يوم لوحدة لان معظم المدرسى اصبح معاها هذا الجرجار.

Mohammed MOSTAFA

اوركيدز من احلى محلات لعب ومستلزمات الاطفال من حديثى الولاده حتى سن عشر او اثنى عشر سنه انا كتير بشترى منه لاولادى ملابس بصراحه بتبقى مميزة وشيك اوى هى شويه اغلى بس جودتها عاليه وتصميماتها رائعه وانا لما بحب اشترى هديه لطفل من اولاد اصحابى على طول بروح اوركيدز عشان انجز وهناك الف واحد بيساعدك وبيقدملك النصيحه الى بتفيدك فى شراء الهديه المناسبه. وانا دخلت اكتر من فرع زى فرع الدقى وهو عباره عن دورين وفى كل حاجه حتى اكسسوارات البنات لدرجة ان المدام اشترت من هناك شنطة يد حريمى ليها تحفه وسعرها رائع جميله ومرتبه ونظيفه جدا وشيك. اما الاسعار فهى شويه عاليه لكن بصفه عامه احسن حاجه الواحد يستنى السيل عشان يقدر يشترى براحته.