بيتزا هت

محمود ناجى نصرالدين محمد

طبعا ما فيش حد فى مصر يقدر ينكر ان سلسلة مطاعم بيتزا هت هى من افضل واحسن المطاعم التى تقدم البيتزا فى مصر انا بصراحة دايما باكل من بيتزا هت وخصوصا فرع المعادى لانه قريب من البيت وكمان دايما سلسة مطعم بيتزا هت تقدم عروض وتخفيضات كتير ومغرية بتجذب كل الناس انهم يروح ياكلوا من عندها وكمان بصراحة الحملات الاعلانية بتاعتهم بتبقى جامدة جدا وكمان الخدمة هناك متميزة وكمان الموظفيين هناك معملتهم رائعة مع الزبائن وانا بنصح اى حد ما جربش انه ياكل من بيتزا هت انه لازم يروح وياكل من هناك ده غير ان الدليفرى عندهم ما فيش اسرع منه وبيوصلك الاكل وهو لسة سخن.

Mohamed Adly

حلو جدا العرض الجديد تلاتة بسعر 99 جنية ياكل كتير بس العيب حاجة واحدة مش مدخلين طبعاً الفراخ ولا الجمبرى ولاميكس الجبن يعنى من الاخر مفيش حاجة تعجبك الا لوكنت جعان ومعاك اهللك او اصحابك خش على طول متفكرش، المكان هناك نظيف ومرتب. افضل مكان او طاوله بحب اجلس فيها هى الطاوله اللى جانب الزجاج المطل على الشارع وذلك لكى استمتع بالاكل والفيو. اخر مرة زرت الفرع ده كنت خرجة مع اصحابى وكان يوميها فى عيد ميلاد واحده منهم, جبنلها من عندهم تشوكليت كيك ولما جينا نغنلها لقيت الاصطف بتاعهم حولينا وكانو بيغنوا معنا, فعلا اصطف جامد.

Rasha Osama

طبعا مفيش جدال ان بيتزا هت تعتبر واحدة من افضل واجمد مطاعم البيتزا الموجوده فى مصر. وزى محنا عرفين ان بيتزا هت هتلاقيلها فروع فى كل حته, يعنى مش هتدوخ عليها. ولكن احب فرع من كل فروع بيتزا هت ليه هو فرع المعادى شارع 9. انا بحب الفرع ده اوى لعده اسباب, اهمها ان الاصطف بتاعه لطاف جدا, مبيسبوكش ملطوع على ميجولك او يجبولك الاكل. على طول بتلاقيهم حوليك. وكمان بالرغم من ان المفروض ان البتزا بتاعت بيتزا هت بتتعمل بطريقه واحده فى كل الفروع ولكن مش عارفه ليه انا بحس ان فرع شارع 9 الافضل بين كل الفروع فى عمايل البيتزا ولذلك لما بحب اكل بيتزا بروح الفرع ده. المكان هناك نظيف ومرتب. افضل مكان او طاوله بحب اجلس فيها هى الطاوله اللى جانب الزجاج المطل على الشارع وذلك لكى استمتع بالاكل والفيو. اخر مرة زرت الفرع ده كنت خرجة مع اصحابى وكان يوميها فى عيد ميلاد واحده منهم, جبنلها من عندهم تشوكليت كيك ولما جينا نغنلها لقيت الاصطف بتاعهم حولينا وكانو بيغنوا معنا, فعلا اصطف جامد.

Manar El Kady

بيتزا هت رغم انها دايما متجددة وبتزود اصنافها الا انها مش زي الاول مستواها قل خالص مش عارفة ليه بعد ماكانت احلى بيتزا في مصر دلوقتي فيه اماكن بتقدم بيتزا احلى منها بمراحل لكن بوفيه السلاطات هناك جااااااااااااااااااامد جدا انا اساسا ساعات بروح اخد طبق سلطة بس وفعلا الاكل بيتأخر اوي اوي واطباق المكرونات هناك حلوة ومش غالية ومستواها افضل من البيتزا