تريانون

محمود ناجى نصرالدين محمد

سلسلة محلات حلويات تريانون من احسن محلات الحلويات فى الاسكندرية وتقريبا فى مصر كلها. المحل ده مشهور جدا وله فروع كتير. انا كل الحلويات اللى بجيبها وانا فى اسكندرية بجيبها من عنده. بيعمل تشكيلة متنوعة من الحلويات الجامدة وطعمها بيبقى لذيذ اوى. انا اكتر حاجة بحب اكلها من عنده كيكة الشيكولاته والحلويات الشرقية . اما بقى الاسعار عنده فهى رخيصة جدا . بس المشكلة الوحيدة ان المحل على طول زحمة . بس بقى الخدمة هناك متميزة جدا جدا . وكمان المحل نظيف جدا وطبعا النظافة ديه اهم حاجة فى اى مكان بيقدم ماكولات . بجد اى حد ساكن فى اسكندرية او بيروح هناك كتير لازم يروح يجرب ياكل من عند تريانون.

Marium Mohamed

Although I live in Cairo, my father is from Alexandria and all my relatives live there. Whenever we visit, my father who knows all the restaurants has to take us to Trianon. I love it so much, the food is fantastic, you will love eating there. You will find in this restaurant things and flavors you will find nowhere else. The bakery items are especially very fresh and delicious. Trianon, a well known name whose fame exceeds the boundaries of Alexandria to all the governorates.

Sara Ahmed

حلويات تريانون اسم ليه تاريخ و فعلا مميزة عن اي نوع حلويات اخرى واجمل ما يميزة الجودة اللي بتبان في كل حاجة الواحد بيجبها من هناك والمذاق الرائع ومن اجمل الحاجات اللي بتعجبني فيه كثرة الانواع والتشكيلات اللي الوحد يقدر يختار من بينها عيبه الوحيد بالنسبة لي ان فروعة قليلة واسعاره الى حد ما مبالغ فيها بس للمناسبات والعزومات المهمة انصح كل الناس انها تجربة وبالتاكيد تجربة لن تنسى وبالنسبة لركن الحلويات الشرقية عندهم انواع حلويات مش موجودة في اي مكان تاني في مصر واللي بيزوره مرة بيعرف الفرق عن اي مكان تاني.

Randa Mostafa

انا بحب تريانون جدا وروحت هناك كذا مرة مع اصحابى ايام الكلية وكانت ايام ممتعة جدا وقضينا اوقات حلوة وممتعة اوى فى المكان ده وكنا بنستمتع بالجلوس فيه الحلويات فيه ذات مذاق خاص ورائع فى تريانون تجد جميع انواع الحلويات التى تناسب مذاقك كما يوجد المشروبات الرائعة المكان ممتاز جدا والعاملين به محترمين جدا الطعام دائما طازج وهذا اهم شئ طبعا مكان تريانون يعتبر مناسب جدا وسهل استخدام اى وسيلة للذهاب اليه يوجد منه عدة فروع اخرى فى الاسكندرية مثل رشدى على الترام-سيدى بشر على البحر وعند الجلوس تستمتع بالبحر يقع بالقرب من المكان المكان رائع ولن يندم احد بالذهاب اليه والجلوس فيه او الشراء منه.

Mark Kamel

حلويات تريانون متميزه جدآ، يعنى الحلويات الشرقيه تلقاها هناك بمعظم انواعها لو انت بتحب الشرقى، لكن لو انت بتحب الحلويات الغربيه برضه هاتلاقيها عند تريانون وكمان بطعم مميز ليه مذاق طازه مختلف عن الاخرون، الخدمه هناك مميزه جدآ الطلبات سريعه مش هاتقف كتيروحاجه مضمونه، لان المكان هناك نضيف جدآ، وكمان القائمين على العمل هناك بيتعاملوا بطريقه جميله مع الزبائن، مش بس كده لكن اسعارهم مش عاليه ولا حاجه لكن فى المتوسط، والمكان جميل فعلآ الجاتوهات مميزه وتريانون ينفعك قوى لو انت رايح مناسبه هاتلاقى فعلآ حاجه تشرف ولوعايز هديه هاتلاقى طلبك عند تريانون.