حضرموت

Motaz Bellah Hesham

حضرموت من اجمل المطاعم اللى بتقدم وجبات مشوية شرقية وهو بجد اانا شايف ان مفيش منافس ليه في المجال ده، انا جربت حضرموت تقريبا اكتر من 10 مرات وبصراحة كل مرة بيبقى احلى من المرة اللى قبلها، وجربته في عزومة واحدة كانت في رمضان وكنت جايب نص خروف مندي والله كان حاجة تحفة بجد وكل الناس سألتنى انت جبته منين ودي كانت اول مرة اجرب حضر موت في حياتي، بالنسبة لاسعاره فهي ممتازة جدا وانا على طول بطلب تيك اواى فمجربتش المطعم نفسه، الشىء الوحيد الذي ينقصه هو الدعايا والاعلان لاني لاحظت ان فيه ناس كتير بتاخد اسم حضرموت وتعمل نفس الوجبات فنصيحة لادارة حضرموت انهم يهتموا بالدعايا للحفاظ على اسم المطعم.

Medo Medo

انا من اكتر الاكلات اللي بحبها في حياتي هي اللحوم و خصوصا اللحوم المشويه و اللحم المندي و معروف طبعا ان حضرموت من احسن المطاعم اللي بتعمل الاكل المندي في مصر و حضرموت فرع المهندسين من احسن الفروع اللي بتعمل اللحم المندي و هو بيتميز باكتر من حاجه اولا ان اللحم اللي بيعملوا منه المندي هو لحم التيس و هو زي لحم الجدي بالضبط يعني لحم صغير و كمان الحاجه المميزه اوي عنده هو الرز و الطريقه اللي بيعملوا بيها لانه بيتعمل بالشوربه و و التوابل اليمنيه لان المندي اصلا هو اكله يمنيه و كمان الصوص اللي يبتعمل مع المندي بيكون طعمه حلو اوي مع الرز اليسمتي فبجد اللي بيحب اللحمه يجرب و علي ضمانتي و الوجبه للفرد بيتراوح سعرها من 50 الي 100 جنيه حسب حجم المعده