خاطر سبورتس

Rehab Mohammed

أنا إشتريت جهاز رياضى وكان التوكيل بتاعة والضمان شركة خاطر العالمية و الحقيقة كنت عمرى ما سمعت عنها قبل كدة، بعد إسبوعين لقيت الجهاز مبقاش بيشتغل إتصلت بيهم رد عليا المهندس بتاعهم وعرف المشكلة وأخد العنوان والتليفون وقالى مندوبنا هيوصلك خلال 48 ساعة ، طبعا انا قلت لنفسى اكيد هاييجى بعد أسبوع، بس الحقيقة لقيت المندوب إتصل بيا تانى يوم عشان ييجى على طول، وأنا مكنتش فاضية وأجلت الميعاد واتصل تانى ولقيته مهتم جدا إنه ييجى وفعلا جه وصلح الجهاز. وأكتر حاجة لفتت نظرى إن المندوب إللى جه يصلح الجهاز لما شفته حسيت إنه معاه مؤهل تحت المتوسط ورغم كدة حسيت إنه متدرب تدريب كويس اوى على الكلام مع العملاء سواء فى التليفون أو مباشرة، فحسيت إن الشركة دى عندها قسم خدمة عملاء ممتازة ومدربة موظفيها تدريب محترف جدا.