سويت سنتر

Mark Kamel

سويت سنتر من المحلات الجميله اللى بتبيع جميع انواع الحلويات، وكمان بتتفنن فى التشكيلات بالرغم من ان كتير من المحلات بتبيع حلويات لكن حلويات سويت سنتر ليها طعم مختلف ومذاق متميز، اهم ما يميز المحل انهم بيبيعوا تقريبا كل او معظم انواع الحلويات الشرقيه الجميله بكل انواعها واللى انا بفضلها عن كل حاجه، وكمان الايس كريم ده بالذات بيعملوه بطريقه تجنن مش عارف ازاى بس تحفه، والشيكولاتات جميله وعندهم مجموعه متميزه ومتنوعه من الشيكولاتات اللى فعلآ ليها قبول خاص عند الزباين، بينفع قوى سويت سنتر لما تكون عايز هديه لحد لانه بيوفرعليك مجهود والاسعار مناسبه عنده خالص.

Manar El Kady

حلويات سويت سنتر من افضل الحلويات على الاطلاق سواء الحلويات الشرقية او الغربية كمان عنده قسم الشيكولاته مالهوش حل عنده شيكولاتات تجنن ده غير قسم الايس كريم بتاعه فظيع لانه عنده تشكيلة كبيرة جدا من الايس كريم بمختلف انواعه وعنده كمان ايس كريم دايت ودي حاجة مش بتلاقيها في كتير من الاماكن, بيقدم كمان تورت ايس كريم تحفة وحلوة فعلا ويمكن افضل تورت ايس كريم ممكن تجيبها هي بتاعت سويت سنتر لانه مشهور بيها اوي , حلويات مولد النبي عنده بتكون جميلة اوي والتشكيلة كبيره وكمان الحلويات الشرقيه اللي بيعملها في رمضان بتكون هايلة , الجميل ان كل حاجة عنده بتتميز بالطعم الرائع والجودة العالية والسعر المناسب, منتجاته كلها احلى من بعضها ومناسبة اوي لو انت رايح زيارة وعايز تاخد حاجة شيك وحلوة في نفس الوقت معاك المكان كمان بصفة عامة نظيف والخدمة فيه ممتازة بس اعتقد انه مالهوش غير فرع واحد اللي هو جنب كلية البنات بصراحة انا مااعرفش غيره وانا شايفة انه هيكون افضل كتير انه يحاول يفتح فروع تانية ليه عشان ده هيساعده على الانتشار والتوسع وكمان هيخدم الناس بشكل افضل