سيكس ام

Ehab Wassily

6M من اشهر محلات الملابس الحريمى والرجالى الداخلى والخروج وايضا ملابس الأطفال والإكسسوارات. كنت كتير بأعدى عليه اثناء الخروج لحد ما احتاجت اشترى بعض الملابس فقررت الذهاب انا وبعض من زمايلى البنات والشباب على امل ان جايز نقدر نوفق فى وجود الأذواق اللى تناسبنا لدرجة ان احنا اترهنا هل كلنا هانشترى ولا لأ والنسبة ايه. المهم وصلنا المحل ودخلنا انا والشباب القسم الرجالى فى الدور الأرضى والبنات طلعوا القسم الحريمى فى الدور الأول وبدأ كل واحد فينا يختار اللى يناسبه وطبعا طلعت حاجة صعبة مش بسبب قلة المعروضات لكن بسبب كثرة الموديلات والأسعار ومختلف الخامات من جيد الى جيد جدا الى ممتاز من هنا جاء صعوبة الاختيار وكان لازم نتبادل الآراء فى الإختيار وفى النهاية نزلت البنات ووقفنا كلنا فى الكاشير للدفع واخذنا شنطنا وخرجنا ونسينا المراهنة اللى كانت قبل الدخول.