شاورما الريم

محمود ناجى نصرالدين محمد

محل شاورما الريم ده من اجمل واحسن المطاعم على مستوى الجمهورية وخصوصا فى مجال الشاورما. بجد انا بحب اروح اكل من المحل ده ديما . بصراحة انا مش عارف اذا كان ليه فروع تانية ولا لا . انا اكتر اكله بحب اكلها عنده وخصوصا لما ابقى مع اصحابى هى فتة الشاورما وكمان بيقدم مجموعة متنوعة ومتميزة من الساندوتشات . اما بقى عن الاسعار مقولكوش عاليها رخيصة وبتتناسب مع جودة الاكل . والخدمة هناك متميزة جدا جدا . وكمان المحل نظيف جدا وطبعا النظافة اهم حاجة فى اى مطعم . بجد كلكوا لازم تروحوا تجربوا تاكلوا من عند شاورما الريم وخصوصا الفتة ومش هتندموا .وابقوا اكتبولنا رايكوا لما تروحوا.

Mohamed Abdullah

شاورما الريم مطعم أكل شامي، الفرع الأول في مصر الجديدة عند ميدان سانت فاتيما، بيقدم ساندويتشات شاورمة وفلافل سورية وفتة شاورمة، مفيش مكان للأكل داخل المحل، بتطلب من العربية والأكل بيجيلك لغاية عندك، أكثر حاجة مشهور بيها هي ساندويتش بطاطس الريم، في أحجام مختلفة للساندويتشات، الأكل طعمة رائع لكن الحقيقة لما بيكون فيه زحمة بيتأخروا شوية في تحضير الأكل، التعامل هناك كويس جدا، الأسعار حاليا بتتراوح من خمسة جنيه ونصف لخمسة عشر جنيها بالنسبة للساندويتشات وبشكل عام الأسعار متوسطة وأنصحكم تجربوه لأنه فعلا قوي.

Mohamed Osman

انا شخصيا بحب اروح فرع مصر الجديدة اللى فى شارع الحجاز عند سانت فاطيما وبصراحة برده بحب اخد الحاجة تاك اواى انا بحب اكل الشاورمة من عند واحد تانى بس بعد ماجربت الريم بجد اتوهمت مش من الشاورمة انا جربت فتة الشاورمة بجد حاجة تهبل وجامدة جدا احسن من الفتة اللى كلتها عند ناس كتير عليه تومية غير طبيعية تخليك عايز تطلب فتة تانى عشان بس تاكاها بالتومية بأختصار سلطاته والبطاطس بتاعته كله حلو وكمان مش غالية ب20 جنيه تقريبا وكمان عنده سندوتشات شاورمة كل الانواع فراخ ولحوم وبرده شهية جدا وسعرها رائع العيش الفرنساوى تقريبا ب12 جنيه مناسب قوى لخروجة مع اصحابك وتكون عايز تختم بأكلة حلوة ودسمة ماتفكرش.

Motaz Bellah Hesham

شاورما الريم ممتازة جدا جدا ودايما بحب اجيب شاورما من هناك ،، الشاورما والسلطات تحفة جدا والمكان يعتبر بالنسبالى بعيد شوية ولكن هناك في ساحة انتظار للسيارات ف مش بتبقى بالنسبالى مشكلة اوى ،، الستاف محترم جدا جدا وناس متفاهمة ،، المطعم من جوة نضيف جدا ،، الاسعار كويسة جدا ومعقولة ،، الاكل جوة رائع جدا جدا وخاصة الشاورما والسلطات والمقبلات ،، من الاخر ريم يعنى تاكل احلى شاورما في حياتك ومحل فعلا متخصص بمعنى الكلمة ،، وانا بنصح كل الناس اللى نفسها تاكل شاورمة ممتازة وبسعر كويس انها تجرب مطعم الريم لانه فعلا رائع

Hani Abdel Monim

انا من اكتر الناس الى بشجع عدم اكل لحوم فى الخارج بس بجد شاورما الريم حلوه جدا انا دوقتها بعد محايلات من صحابى ده لانى مش باكل لحمه خالص بره بتنا من بعد ما بقت بخمسين جنيها وانا مقاطعها بس والله اعلم تقريبا اللحمه الى هناك بلدى لان طعمها حلو موووووووووووووووت.

Nano Hatem

بالرغم من انى مش باحب الشاورما الا انها من عند شاورما الريم بتبقى تجنن خصوصا اللى بالموتزاريلا

Fady George

بصراحه بيقدم اكل جامد وخصوصا فته الشاورما بصراحه ممكن تاكل منها لحد الصبح انا جربت فرع سانت فاتيما في الاول وكان جامد جدا جدا الفتة ومعاها سلاطة الطحينة والبطاطس والمشروب وعلي فكرة سعره مناسب جدا جدا ولو بتلف طول اليوم طبيعه شغلك محتاج وجبة تكون مثالية علشان تعرف تكمل باقي اليوم روح وجرب وبعدين جربت فرع مدينة نصر وكان الاكل فية شويه بارد وخد وقت كتير علشان يجهزه بس الاكل ممتاز ومحتاج يفتح في المهندسين والمعادي وياخد باله من السرعة في احضار الطلب ويكون سخن بس غير كده الطعم والسعر بصراحه مناسبين جدا ولو هاتاخده حد وتعزمه حتي ولو علي حسابة مش تقلق لانة مكان كويس ومتوفر بارك ليه. بنصح انك تجرب وتدعيلي مش تدعي عليا اوك