فودافون مصر

Ahmed Elbarbary

فودافون تعتبر الان اقوى شبكة في مصر وتتميز بكفاءة مستوى خدمة العملاء وتدريب موظفيها على اعلى واحسن المعايير في الجودة. تعتبر فودافون ايضا الشبكة الاكثر انتشارا عالميا حيث توجد بالعديد من الدول العربية منها مصر وقطر والعديد من دول العالم، طبعا المانيا واستراليا وانجلترا. بالنسبة لمبانيها ومنشاءتها فإن فودافون تنتشر في مصر بداية من القرية الذكية وهي ادارة فودافون بمبنى فودافون الجميل مبنى سي2 بعد مبنى البريد المصري وفي القرية الذكية ايضا خدمة عملاء معظم اللغات لفودافون منها الالمانية الإنجليزية. اما خدمة عملاء مصر فهي موجودة في المعادي واسم المبنى "الدلة". وتتميز فودافون حاليا بقوة عروضها واسعارها المنافسة.

Mohamed Yosry

شبكة المحمول الاولى فى العالم انا فودافون وانت، ديه كلها عبارات بتستخدمها فودافون وفعلا هى حقيقية. فودافون احسن شبكة موبيل فى مصر انا فودافون تقريبا من عشر سنين ايام ماكنت الاول كليك وبعدين فوادفون، ومن سعتها مغيرتش فودافون كنت تقريبا فى ثلثة ثانوى. واعنقد ان هى اقل شبكة فى مصر فيها مشاكل مقارنة بالشبكات التانية، خدمة العملاء جبدة جدا بس لو اتكلمت فى التليفون خدمة العملاء هتاخد وقت شوية لا ممكن شويتين، بس لو فى مشكلة بتتحل على طول. وفروع خدمة العملاء فى اماكن كتيرة والعروض بتعتها غالبا بتكون جامدة، سواء ان هى اول شركة عملت النت على الموبيل بجنيه، والعروض التانية فى تخفيض سعر الدقيقة حتى النت. انا مدخل عندى adsl من فوادفون بجد جادم جدا مبيقطعش ولا بطىء وأحلى حاجة ان لو التليفون عطل هما بيتعملوا مع السنترال ويريحونى من التعامل فى السنترال.

Rasha Osama

انا فودافون. ده مش كلامى انا وبس ولكن ده كلام الملايين من الناس. لان فودافون تعد من اقوى واكبر شبكات المحمول الموجوده بمصر, شركة قوية جدا وبتوفر لعملائها خدمات كثيرة على مستوى عالى من الاداء. فهى مش مجرد خط هاتف فقط ولكن دى كمان بتوفرلك خدمات اخرى زى ADSL وكمان Internet USB اللى تقدر تستخدمها اينما كنت ووقتما تريد. كل ده غير انها بتقدم لعملائها خدمات كتييرة وعروض كبيرة بتتناسب مع الكل, يعنى مثلا بالنسبة لخط هاتفى انا دلوقتى على نظام الصلاحيه مدى الحياه, بشحن وقت مبحتاج وصلاحيتى ممتده على طول. كل ده ومذكرتش ان شبكة الارسال بتاعت فودافون هى اقوى شبكة موجوده, يعنى لو انت فى اى مكان الارسال مش هينقطع عنك. انا موجهتش هذة المشكلة طوال مدة استخدامى لفودافون الا يمكن مرة او اتنين وده على عكس صحابى اللى معاهم خطوط تانيه. بجد زى مابيقول شعارهم "القوه بين ايديك".

Mohamed Abdel Rashid

القوة بين ايديك هو شعار فودافون شعار رائع والتنفيذ اقوى فى ايديك شبكة قوية جدا وخدمة انترنت سريعة و بارخص الاسعار. فودافون اول شبكة محمول فى مصر و كانت تسمى كليك . لدى فودافون العديد من العروض والخدمات مما يتيح لك اختيار الافضل، وتتعدد عروضها مثل فودافون حكاوى وحكاوى فريندز وحكاوى اكسترا وحكاوى متحسبهاش ونظام كل المصريين، وحكاوى فريندز عبارة عن نظام اختيار 3 اصدقاء تكلمهم كل يوم ببلاش من منتصف الليل الى الساعةالسادسة مساء يعنى 18 ساعة تكلمهم ببلاش. يوجد نظام للصم والبكم اسمه بدون كلام. بالاضافة الى دوره الاجتماعى فى البلد فى العديد من الانشطة وتطوير التعليم دعم المجتمع المحلى. و لها دور رياضى ايضا مثل رعايتها للفرق الكبرى مثل الاهلى المصرى اكبر اندية افريقيا. تقوم فودافون بعمل العديد من المسابقات منها المسابقة الحالية من خلال موبيل انترنت تحصل على سيارة. بالاضافة الى الدقائق المجانية التى تمنحها الى عملائها. بصراحة نفسى يكون معى خط تانى من فودافون.

Abdelrahman Gamel

شبكة المحمول الاولى فى العالم ودى حقيقة فعلا بصراحة فودافون مالهاش حل فى موضوع الشبكة ده اقوى شبكة فعلا فى اى مكان فى مصر بتلاقى الشبكة تمام وخدمة العملاء عندهم على اعلى مستوى وعلى طول سابقين فى العروض وانا باحس انهم بيهتموا بالكيف مش بالكم بمعنى انهم مش مهتمين بان يبقى عندهم عدد كبير من العملاء قد ما هما مهتمين انهم يقدموا خدمة على اعلى مستوى لعملاءهم الحاليين وشايفين ان ده هو احسن دعاية ليهم وبيقولوا عن نفسهم انهم الشبكة بتاعت الصفوة وده فيه جزء كبير من الحقيقة من وجهة نظرى والدعاية بتاعتهم قليلة شوية بالنسبة للشركتين التانيين بس مؤثرة ويكفى انهم اول شركة دخلت ال ثرى جى فى مصر وهى اللى اديته للشركتين التانيين انا كان معايا خط عادى من فودافون بس بافكر دلوقتى اجيب خط بيزنيس لانى سمعت مميزات كتيرة جدا عنه من كذا حد وبيعاملوا العميل ده على انه عميل مميز جدا فى الشركة .