كشرى الامبراطور

Marium Mohamed

صحيح ان المطعم ده صغير ومش مشهور أوى بس بجد الكشرى بتاعه كويس ومعقول. انا كلت منه بالصدفة علشان كنت خارجة مع اصحابى وكنا عاوزين ناكل وشفناه فى طريقنا اول مرة نجربه. هو محل متواضع بصراحة فى كل حاجة المكان مش هاى كلاس اوى يعنى والديكور عادى والناس اللى فيه طيبة اوى ومتواضعة. الكشرى بتاعه اسعاره كويسة اوى فيه من أول 4 جينيه لحد 10 جنيه وطبعا كل لمل تزود تزيد الصلصلة والبصل اللى على الوش واللى على فكرة كان مقرمش وطعمه خرافة. كمان كان فيه تلاجة بيبسى للى عاوز مع الكشرى والمية عندهم كانت ساقعة اوى وبصراحة المكان كان نضيف اوى على الرغم من تواضعه متترددوش انكم تاكلوا منه.

Rehab Mohammed

الكشرى بتاعه تحفة جدا وأنا بحبة وخصوصا فرع المنيل من أول ما فتح لأنه الفرع كبير جدا وواسع ونضيف ومتحسش أنك داخل مطعم كشرى، تحس إنك داخل تأكل كباب وكفته. ورغم كدة الأسعار بتاعتة معقولة جدا وكمان بيعجبنى فى الفرع دة النضافة بتاعة العاملين فيه.. بيلبسوا جوانتيات بلاستيك وهما بيعبوا العلب، فتحس إنك ليك نفس وإنت بتأكل... وكمان بيميزة إنه من ساعة ما فتح مصغرش علب الكشرى بتاعتة زى محلات كتير... أنا بحب أشترى منه لأنه بيحط الصلصة فى أكياس برة العلب ودى حاجة شخصيا أنا بحبها وكمان من فترة بدأ يحط أكياس عيش محمص فى السمنة وعليها توابل طعمها حلو جدا.