مستشفيات ومراكز مغربى للعيون

Mark Kamel

العيون من الاجهزه الحساسه فى جسم الانسان واللى فعلآ تستحق الاهتمام والعنايه بكل حساسيه، لان العيون هى كل شئ بالنسبه للأنسان، من الجميل أن تجد فى مصر مستشفيات ومراكز تهتم خصيصآ بالعيون وكمان تجد رعايه مركزه، مستشفيات المغربى من المستشفيات التى لها اسم براق ومتميز فى العنايه الطبيه، أطباء على اعلى مستوى من الكفاءه، وتقوم المستشفى بعمل عمليات صعبه جدآ فى العيون وتقدم خدمه متميزه جدآ لذلك نالت هذه المستشفى ثقه الكثير من المرضى، وكمان الاسعار متميزه ومتوسطه، يمكن تكون عاليه شويه بس أنا شايف العنايه والخدمه تستحق كده مستشفيات متميزه جدآ.

Manar El Kady

بعتبرها المستشفى رقم واحد المتخصصه في مجال العيون. المستشفى ممتازة من عدة جوانب فهي اولا نظيفة وشيك اوي وكمان الاطباء بها ممتازين وخاصة اطباء الاطفال المتخصصين في الكشف على عيون الاطفال ومعالجتها. انا ليا تجربه هناك مع دكتور اطفال بجد اكتر من ممتاز, بنتي كانت بتعاني من مشكله في عينيها اول ما اتولدت وروحت بيها لاكتر من دكتور ومااتحسنتش ولكن لما روحت بيها المغربي الدكتور هناك كتبلي علاج وبجد الحمد لله اتحسنت عليه على طول. كمان العاملين بالمستشفى سواء الاستقبال او التمريض متعاونين وخدومين جدا ومهذبين المشكله اللي بتقابلني في المستشفى دي هي التأخير. ففي كل مره بروح لازم اتصل احجز من قبلها وبروح في المعاد المتفق عليه ولكن عمري ما دخلت في معادي دايما بتاخر وبفضل مستنيه بعد المعاد اللي هم بيحددوه مش اقل من نص ساعه وساعات بقعد اكتر من كده بكتير لما بتكون المستشفى زحمه. يعني لو مشكلة لخبطة المواعيد دي تتنظم وتتحل هتكون المستشفى مثاليه.