مطعم فطومة

JASSY MINA

مطعم فطومة يا سلام علي دة مطعم جميل اووي بيقدم احلي اكل وخصوصا البيتزا يا سلام علي دي بيتزا بجد تحفة اوي انا في حياتي مادوقتش طعم بيتزا مختلف بالطريقة دية ولا الصوص ولا الخضروات ولا الموتزريلا ولا اية ولا اية ولا نظافة مكان فطومة ولا جودة الطعام ولا الخدمة مش بس 5 ستارز لا دة 50 ستارز ولا اسعارة الجامدة والمكان دة في المنصورة احلي بلد لاحلي اكل لاحلي بيتزا يا سلام اوصفلكو اية انا لما روحت واكلت من هناك من ساعتها وانا كل ما اروح للمنصورة لازم اكل من فطومة مطعم فطومة احلي مطعم بيتزا احلي سعر مكان جميييل بجد مش محتاج وصف اكتر من كدة.

Marium Mohamed

I ate in this restaurant by chance. We were visiting our relatives in Dakahleya and they ordered pizzas and pies from there, they were so delicious that I asked them where they got them from and they told me Fatoma . I loved it when I ate the chicken pizza, it was fantastic, the cheese pie was also wonderful, my sister had the shrimp pizza it was also magnificent. I just can’t wait to go back to see our relatives so I can eat there again. It is a very well known restaurant in Dakahleya and I want them to open in Cairo because I can’t keep going back to Dakahleya.

Mostafa Taha

من احسن مطاعم البيتزا فى المنصورة، البيتزا بتاعته جامدة جدا ومستوى الاكل هناك عموما متميز ودة غير السعر الجامد جدا يعنى البيتزا تقريبا نص السعر فى مطاعم بيتزا تانية كتير وكمان مفيش الجودة والطعم الجيد ان لم يكن الافضل. اجمد بيتزا هناك السى فود مع البيبسى والبطاطس وممكن كول سلو، انا عن نفسى بحبه اوى مع اى اكل. كمان الديليفرى بتاعهم ممتاز وبيوصل فى وقت كويس يعنى مش سريع اوى بس معقول مش هيتأخر عليك يعنى. انا واصحابى لما بنفكر ناكل بيتزا اول مطعم بنقترحوا هو فطومة اكل ممتع ولذيذ وبصراحة عمرى ما اكلت هناك وطلعت مش مبسوط.

Ahmad Abdelwahab

انا من المنصورة وتقريبا ده اكتر مطعم اكلت فيه بره البيت. الفطاير عنده طعمها جامد جدا وملوش مثيل فى اى مكان تانى وبعدين رخيص ومكان قريب من اى حد فى المنصورة. المطعم مكانه مميز جدا وطبعا المكان نضيف وجميل ومحترم تقدر تروح انت والعائله فى اى وقت والمعامله محترمه. ممكن يكون خدمة توصيل المنازل بطيئه شويه، بس ده سببه الزحمه وهتعرف لما تروح المطعم نفسه، بس هو جو المطعم جميل بصراحه ارشح لأى حد الوجبه المفضله بالنسبه ليا سندوتش لحم عربى جامد جدا مع سلطة الثوميه، وطبعا كل الأكل جميل بس كل واحد له مذاقه الخاص، غير الحلو طبعا انا بحب ام على، فعلا مش هتندم ابدا لو رحت وجربت.

Yasmeen Abdelhady

المطعم ده انا متعوده آكل منه بس دايما دليفري يعني مش باكل فيه ابدا هو رائع جدا والفطاير بتاعه واو تحفه جدا طعمها ولا احلى جربت من هناك الفطير بالبلح والفطير بالقشطه والفطير بالمكسرات والفطير بالجبنه وكلها احلى من بعض جربت برضه البيتزا بالجمبري والبيتزا باللحمة وحاجات تانية كتير الاكل من فطومه حاجه تانيه بصراحة لو جربته هتتعود عليه هو زي اكل البيت مع الفارق بقى انك مش هتفضل تتعب علشان اكله في نص ساعه هتخلص بجد كويس جدا وانا دايما بقول لاصحابي لو عايزين حاجه يبقى من عند فطومه علشان هو مميز في اكله ونكهاته