مكتبات سمير وعلى

Ehab Wassily

طبعا كلنا عارفين مجموعة محلات" سمير وعلى" للأدوات والمستلزمات المكتبية وأكيد كلنا أتعاملنا معاه وخصوصا في بداية السنة الدراسية لكن أنا كان لي تجربة مختلفة السنة دي وهى إن أبنى أتخرج ودخل كلية فنون جميلة قسم عمارة وطبعا في سنة اعدادى الدكاترة طلبوا تقريبا كل حاجة ليها علاقة بالهندسة وطبعا نزلت معاه لشراء المستلزمات المطلوبة وطبعا رحنا" سمير وعلى" على أساس أننا هانجد كل الحاجات المطلوبة بدل ما نقعد نلف على أماكن كثيرة فرحنا فرع ش شهاب طبعا زى ماتوقعت كل حاجه متوفرة بأنواع وأسعار مختلفة وماركات مختلفة ودة كله كان حاجة سهلة لأن طريقة عرض المونتاجات واضحة جدا لحد ما نويت اشترى طربيزة رسم هندسى وطبعا سألت البائع المسؤل وهنا وجدت حاجة غريبة وهى ان البائع زى مايكون جاى معايا علشان نشترى مش بياع وعايز يبيع وخلاص بدأ بشرح لنا كل نوع ومواصفات وطريقة استخدامها وكيفية استخدام الأدوات الهندسية الملحقة بها وانة يفضل المقاس الصغير وليس الكبير حيث ان طلبة الفنون الجميلة بيستخدموا الطربيزة فى اعدادى وسنة اول فقط وبعد كدة بيكون اغلب رسم اللوحات بيكون على الكومبيوتر وبكدة بيكون مفيش داعي لشراء الحجم الكبير ودة كان شيء غريب إن البائع عند كل هذة الخبرة بالمونتاجات وأيضا بمتطلبات الكليات الهندسية وايه اللي مناسب لها بدون دفع مبالغ زيادة.

Abdelrahman Gamel

مكتبات سمير وعلى طبعا غنيه عن التعريف بصراحة انا سعيد جدا ان عندنا فى مصر كيان بالحجم ده فى نشاط بيع الادوات المكتبية حاجة فى منتهى الاحترام تغطية واسعة جدا بفروع كتيرة كلهم على مستوى واحد من الجودة وصعب جدا انك تدخل اى فرع من الفروع بتاعتهم وما تلاقيش اللى انت بتسال عليه احسن حاجة فيهم انهم بيبيعوا الحاجات الكويسة والمضمونة بس يعنى ما لهومش فى الشغل المضروب هو صحيح بعض الحاجات بيبقى سعرها غالى شوية بس راجع لانها ماركات عالمية زى منتجات روترينج اللى باعتبرها افضل ماركة فى مجال الادوات المكتبية بدليل ان عندى قلم روترينج سنون بقاله معايا اكتر من 10 سنين من ايام ما كنت فى الثانوية العامة ولسة شغال لحد دلوقتى اى حاجة باحتاجها بصراحة ما باتعبش نفسى والف يمين وشمال باروح لاقرب فرع ليا وباشترى كل اللى انا عايزة من مكان واحد مضمون .