نجوم اف ام

Mark Kamel

نجوم اف ام من المحطات الاذاعيه اللى اثرت فى كل الشباب المحطه بالرغم من انها قريبه فى الافتتاح تقريبآ من 2002 لكن قدرت انها تؤثر وتجذب الكثير من محبى الاذاعه الصوتيه الاذاعه اللى عاجبنى فيها انها مش بتقدم التقليدى او الحاجه اللى الواحد بيسمعها فى كل مكان لكن برامجها متنوعه جدآ والشئ المميز انها بتقدم فقرات ولقاءات شبابيه في قمه الاهميه تلقاها جمبك فى السفر وانت قاعد فى البيت بجد بتقدم برامج تخليك تسيب التلفزيون وتسمعها انا عن نفسي بفضل نجوم اف ام عن اى قناه تانيه تستحق الشكر والتقدير بكل مذيعيها واداريها.

Mohamed Rezq

قناة نجوم اف ام من القنوات المميزه في الراديو المصري واللي عملت نقله في عالم الراديو واجتذبت جيل جديد من المستمعين الشباب ببرامجها المميزه واذاعتها للاغاني الجديده وهي في مقدمة القنوات اللي بتهتم بكل ما هو جديد ومميز في عالم الغناء والبرامج وطبعا لا يوجد اي شخص في مصر لا يعرف المذيع اسامه منير وبرنامجه الشهير انا والحب وهواك اللي عمل اسم من ذهب في عالم البرامج الاذاعيه واللي من خلاله يقوم بعرض المشاكل العاطفيه ويقدم لها حلول مقترحه وايضا برنامج على القهوه مع المميز احمد يونس اللي بيجمع كل الناس السهرانين من الساعه 12 لحد الساعه 3 مساء وانا شخصيا لما بكون عندي شفت ليلي في الشغل ما اقدرش استغنى عن الراديو لاني من عشاق البرنامجين دول.

Walaa Hassan

نجوم اف ام من القنوات الاذاعية المهمة جدا والتى ظهرت فى الفترة الاخيرة من 2002 تقريبا والتى حازت بعدها على اعجاب كل الناس وخاصة الشباب والذين كانوا يستمعوا اليها ليل نهار, اول مابدات القناة كانت برامجها محدودة جدا وكانت اغلبها اغانى ولكن بعد تطورها وكثرة الناس اللى بيسمعوها بداوا فى زيادة عدد برامجهم واللى كانت بتخاطب كل الفئات لكن اول لما ظهرت ال اف ام كان اشهر برنامج فيها هو انا والنجوم وهواك واللى كان بيذيعوا اسامة منير واللى كان معظم البنات طبعا بيسمعوه. انا من اكتر البرامج اللى بحبها اوى وكمان بحب المذيعين اللى فيها هو عيش صباحك مع كوكاكولا واللى بيقدموا مروان قدرى ويارا الجندى من البرامج الجميلة جدا واللى ممكن تسمعوه من الساعة 8ص الى الساعة 11ص وبيقولك فيه نشرة جوية عن الطقس وكمان بعض الاخبار السريعة وحالة المرور وكمان بيعملوا مسابقات بلاى ستيشن ومسابقات للناس اللى فى الشارع, كمان المذيعين جامدين جدا يعتبر من البرامج اللى تتسمع الصبح وانتا رايح الشغل وسايق عربيتك, بعد كدة بيجيبوا ساعة لمغنى معين واللى بتبقى جامدة جدا وبعدين ساعتين اغانى متواصلة الى الساعة 2م وبعدين يبدؤا برامج تانية بس بجد من اهم البرامج اللى عاجبتنى واللى اعتبرتها من البرامج المهمة جدا واللى بتهتم بالجانب الخيرى فى كل واحد فينا هو برنامج عيلة واحدة مع حسام عصام واللى بيعتبر من البرامج اللى بتساعدك جدا فى كيفية ايجاد الجمعبات الخيرية واماكن التبرعات المناسبة اللى ممكن تساعدك انك توصل تبرعاتك لانسب مكان يستحق فعلا التبرع من اهم الاماكن اللى كان حسام عصام بيقول عليها فى البرنامج بتاعوا واللى ابتدى من يوم عيد اليتيم وبقى يجى كل يوم جمعة من الساعة 4م الى الساعة 7م هو المركز القومى للاورام واللى ناس كتير اوى مش واخدين بالهم منه مع انه يعتبر من اهم الاماكن اللى تستحق تبرعك او زكاتك بما اننا داخلين على رمضان. بدا حسام برنامجه بانه بيجيب ناس اللى بيبقوا قائمين على المشروع او المسئولين عن ادارته وكيفية مساعدتهم وارقام الحساب اللى ممكن تتبرع عليها, بجد انا شوفتوا من اجمل البرامج اللى انا بحبها جدا على ال اف ام واللى بيعتبر مفيد جدا لكل واحد فينا حاجة مهمة كمان فى برنامج عيلة واحدة واكيد مهمة لاى واحد بيبحث عن وظيفة ان البرنامج بيوفر فرص عمل مهمة جدا للاشخاص العاطلين والمحتاجين جدا للعمل واللى بيعملوا البرنامج انوا بيحاول يوفق ما بين المحتاجبن للعمل والاشخاص اللى محتاجين عمالة على فكرة برنامج عيلة واحدة دلوقتى بقى بيتذاع كل يوم سبت من الساعة 12م الى الساعة 2م ودلوقتى بقى يتكلم عن الادمان والمدمنين وافضل طريقة لمساعدتهم وايه الخطوات اللى ممكن تعملها اول لما تكتشف ادمان شخص انا افتكر انهم كانوا عاملين حاجة زى كدة فى الجامعات واللى كان بينظمها عمرو خالد زى حياة بلا تدخين والادمان كمان برنامج من اجمد البرامج الترفيهية هو برنامج اجمد 7 الساعة 7 لجيهان عبدالله وده بيجى كل يوم الساعة 7 وبيجيب اجمد 7 اغانى ويوم الخميس بيستضيف البرنامج ممثل او مغنى من احلى البرامج بقى واللى انا بعشقها واللى برضة بيعتبر من البرامج المفيدة والمحترمة هو برنامج على القهوة ايتدى يبقى من اقوى البرامج الاذاعية لزيادة عدد مستمعيه كل يوم عن اليوم اللى قبله وده طبعا لمحتواه الجميل والمفيد جدا وكمان لان مذيعه اللى هوه احمد يونس من اقوى المذيعين اللى عندهم ثقافة عالية جدا ومحترم جدا برنامج على القهوة ابتدى اول السنة 2010 وبيجى كل يوم ماعدا الاحد والثلاثاء من الساعة 12ص الى الساعة 3ص, وبيقول فيه حالة الطقس واخبار البلد والدنيا كمان احيانا يعد يقرا من الجرائد والاخبار المهمة اللى فيه وكمان بعض الاخبار الترفيهية, وفى بعض الايام بيستضيف شخص معروف او شخصية مرموفة ومؤثرة غير انوا كمان بيتكلم عن الاحداث الجارية من اكثر الحلقات اللى كانت مؤثرة جدا فى برنامج على القهوة هى الحلقة اللى كانت بعد وفاة العلامة الكبير الدكتور مصطفى محمود واللى عرض فيها بعض الاجزاء من حلقاته واللى كانت مفيدة جدا والى عرفت الناس اللى ميعرفوش الدكتور مصطفى محمود عن مدى عظمة هذا الرجل وانه كان فعلا من الاشخاص المؤثريين جدا واللى ترك علامة فينا وفى شبابنا, واللى يثبت لك كده كم الاتصالات اللى تهافت على البرنامج من كل الفئات شباب وكبار واللى بياكدوا على ان الدكتور مصطفى محمود من الناس اللى فعلا تفتخر به.