هاى سيلز سنتر

Mohamed Osman

المحل من اشهر محلات الملابس فى العاشر من رمضان، المحل موجود فى الطريق الرئيسى لو انت داخل العاشر بعد موقف الاردنية ب 800 متر تقريبا على اليمين. المحل ضخم جدا وواخد واجهة كبيرة وكمان قدامه باركنج ضخم يسع لكل العربيات، المحل على دورين ومقسم الى اقسام ، قسم لملابس الاطفال واخر للرجال وواحد للسيدات واخيرا الادوات المنزلية. طبعا الموديلات جميلة وشيك جدا ومتنوعة بس المشكلة انه غالى حبتين خاصة ان العاشر مليانه مصانع ملابس وده هيخليك تفضل انك تروح المصانع عشان ارخص ومع ذلك هو ليه زباينه لانك لو رحت عنده بتلاقى اللى انت عايزه. كمان هو عنده سيستم لذيذ كل ماتشترى منه يجمع لك ثمن مشترياتك حتى لو على فترات لحد ماتكمل 500 جنيه يديلك كارت خصم ب 5% على اى حاجة تشتريها من عنده مدى الحياة ولو وصلت ل 1000 تاخد كارت تانى ب 10 % ودى حاجة بتخلي زباينه بيحبوا يروحوه عشان يستفيدو من الخصم المميز عنده بجد الادوات المنزليه لان سعرها كويس.