كريستال عصفور

محمد خميس

كريستال عصفور من الرواد فى صناعة النجف وانظمة الاضاءة فى مصر والشرق الاوسط فيعمل لديه باقة من خيرة المصممين للكريستال والزجاجيات الذين يقدمون تحف رائعة ولقد قمت بشراء مجموعة متكاملة من النجف والاباجورات والاباليج رائعة الالوان والتى تتناسب مع ديكورات المنزل بل واضفت عليها جمال خاص وقد قاموا مشكورين بعمل تخفيضات لى على المجموعة واعطونى هدية جميلة ولقد انبهر جميع ضيوفى بتحف كريستال عصفور وقد نوى اغلبهم تغيير نجفه وشراء اللالئ منه لأنه نقلة مختلفة فى عالم النجف والزجاجيات وانظمة الاضاءة تعمل بكفاءة وامان

Mohamed Rezq

لو مفيش معاك غير حق النجفه يبقى تجيبها وتقعد في شقتك وكفايه نورها عليك وبدون عفش كمان طبعا ده كلام بيدلل على حسن وروعة وجمال منتجات كريستال عصفور وده نابع من ان المصنع بيدقق على ادق التفاصيل في كل قطعه في الكريستال وكمان من المميزات الجميله في المصنع ان هناك ورديتين منفصلتين تماما الشباب عن البنات وده شيء محترم غير ان كل وقت صلاة العمال كلها بتاخد بريك وتصلي انا عندي قرايبي من شبرا الخيمه شغالين في المصنع ومبسوطين فيه قوي لانه بيديهم مرتب كويس صحيح هو الاساسي قليل جدا بس فيه شغل انتاج بيخلي الموظف يشتغل اكتر وده نظام جميل بيبقى فائده للطرفين (العمال والمصنع) والله يرحم صاحب المصنع اللي انا عارف انه مات في السعوديه وهو بيعمل عمره رحمة واسعه

Mark Kamel

كريستال عصفور من الحاجات اللى قدرت انها تتميز فى الكريستال وكمان تاخد شهره عاليه جدآ مش بس الاسم والشهره، لكن كمان منتجاتهم جميله، بيقوموا بإنتاج منتجات من الكريستال جميله تقدر تعتمد عليها لما تحتاج تجيب كريستال لبيتك، بس كمان الكريستال مش واخد قبول فى كثير من الاسر المصريه، لكن اللى عايز اقوله ان الكريستال جميل وياريت نجربه، وكمان انك تلاقى حد زى كريستال عصفور بيوفر عليك خبره وكمان جوده فى المنتجات وكمان بيوفر فى الاسعار دة شئ جميل، لأن هناك هتلاقى ناس بتساعد بجد كل هدفهم هو رضا العميل علشان كده قدروا انهم يحققوا نجاح كبير مالهوش مثيل.

Abdelrahman Gamel

فى اعتقادى ان ده احسن مصنع لتصنيع الكريستال فى الشرق الاوسط كله منتجاته على اعلى مستوى من الجودة وكنت قاعد مع واحد بيقولى انهم بيصدروا منتجاتهم للصين ... تخيلوا مصنع مصرى بيصدر حاجة للصين بجد حاجة مشرفة جدا بس مش مستغرب من صرح عملاق بحجم كريستال عصفور ده المنطقة اللى هو فيها فى شبرا متسمية باسمه ويمكن نص سكان شبرا شغالين هناك فى المصنع بصراحة مشغل ناس وفاتح بيوت كتيرة جدا وفى تصنيع حاجة بتفيد البلد فعلا من خلال تصدير المنتجات دى لدول كتير جدا وعلى فكرة الحاجات بتاعت كريستال عصفور جامدة جدا وبتدى لمسة جمال لاى مكان وهما معروفين من زمان قوى ومتميزين فى الصناعة دى وتقريبا مافيش منافس ليهم بس بجد هما يستاهلوا كل خير لان الناس دى بتجتهد فى شغلها جدا وعلشان كده ربنا بيكرمهم .

Manar El Kady

كريستال عصفور ده يعتبر افخم مكان ممكن تشتري منه النجف او التحف والانتيكات انا عن نفسي بعتبره رقم واحد في المجال ده , منتجاته في منتهى الجمال والشياكة والفخامة والاذواق عنده راقيه جدا وشيك اوي ومميزة بشكل ملحوظ واستحالة تقدر تلاقي الجودة دي في اي مكان تاني فعلا منتجاته على مستوى عالي من الجودة والرقي والمصنع بتاعم في شبرا واسع وكبير جدا وفيه التشكيلة كلها وتقدر تختار اللي انت عايزه كمان عندهم اكسسوارات حريمي في منتهى الشياكة ومميزة اوي انا عن نفسي دايما بروح الجناح بتاعهم اللي بيفتح في سوق القاهرة الدولي كل سنة وبنبهر بمنتجاتهم اللي دايما بيحاولوا انهم يضيفوا ليها الجديد كل سنة بلاقي حاجات احلى من السنة اللي قبليها , اما عن اسعارهم فهي معقولة اوي بالنسبة لجودة وشياكة منتجاتهم بصراحة هما محافظين على مستواهم ودايما بيطوروا من نفسهم وده سر نجاحهم لانهم قدروا يجمعوا بين الشكل الجميل والجودة العالية والخدمة المتميزة