بطاطس اند زلابيا

Mark Kamel

الاسم ابلغ دليل على مايحتويه الداخل، أنا معجب جدآ بفكره الاسم بطاطس اند زلابيا، ياسلام ما تعرفش لغه ايه دى ولكن بشكل كوميدى جميل المطعم بيقدم وجبات خفيفه لذيذه تاكل من عنده كده لما تكون زهقان من الاكل التقيل اللى مليان دسم، بطاطس بيعملها بطعم تحفه يجنن أنا معرفش ليه بحب البطاطس قوى بحب أكلها على طول وخاصة لو كانت معموله بطريقه جميله، زى مابيعملها مطعم بطاطس أند زلابيا وكمان ذاكر البطاطس فى الاول ودة دليل على الثقه، أما عن الزلابيا فصراحة أنا ما اكلتهاش غير مره واحده ومن فتره بعيدة لكن من مطعم بطاطس أند زلابيا لسه ما جربتهاش بس اسمع أنها جميله ولذيذه، مطعم يستحق أن تذهب اليه بثقه.

Motaz Bellah Hesham

بطاطس اند زلابيا هو اروع محل تيك اواى بالنسبة لى، فكرته هايلة جدا وليه عربية في كل مول كبير و منتشرة في كل حتة، البطاطس بتاعته احلى بطاطس ممكن تاكلها سواء عادي او كريسب وبيحطلك عليها بهارات وتوابل تحفة وبتختار تحط كاتشب او مايونيز، اما بالنسبة للزلابيا فهي رائعة فعلا واحلى حاجة لما تاكلها سخنة لسه طالعة بتبقى حلوة جدا سواء حطلك عليها عسل او سكر وبجد احلى زلابيا ممكن تاكلها في حياتك هي من بطاطس اند زلابيا والاوردر بتاعك ما بياخدش عشر دقايق وبيبقى جاهز في بوكس ظريف جدا، انا صراحة بحب بطاطس اند زلابيا جدا وبجد سواء بطاطس او زلابيا الاتنين احلى من بعض.

Manar El Kady

انا جربت مره اكل من هناك وعجبني جدا جدا. بيقدم وجبات خفيفة ولذيذة. بيعمل ستيك هوت دوج طعمه يجنن بيكون متغطي بعجينة طعمها حلو اوي ومقلي في الزيت وبيتقدم عليه مايونيز ومسطرده وكاتشب بجد عجبني موووت. وبيعمل كمان بطاطس محمرة وبيحط عليها اضافات حلوة اوي بتخلي طعمها جميل. والحلو اوي عنده كمان الزلابيا تجنن انا اساسا مادوقتش زلابيا بالجمال ده بتكون كبيره اوي وهشه وطعمها يجنن سواء بالسكر او بالعسل.