كوك دوور

Mohamed Elhusieny

سندوتشات رووووعة بصراحة وطعمها ممتاز جدا وانا متردد جدا على الاكل من مطاعم كوك دور لان بصراحة جميع سندواتشاتة ممتازة جدا والمطعم لما تدخل تاكل فية فعلا هاتحس بالاهتمام والتقدير والنضافة جامدة جدا جوة وكمان بأمانة العمال اللى شغالين فى مطاعم كوك دور محترمين جدا وكويسين جدا وبيعاملو الزباين بطريقة محترمة جدا غير اى مطعم تانى بصراحة وكمان الاكل طعمه جامد والاسعار فية ممتازة جدا جدا ومش غالية خالص وانا باكل من عندة كتير جدا وكمان لو هانتكلم على الدليفرى الخاص بكوك دور فهو بصراحة دليفرى جامد جدا والاكل مش بيتأخر خالص وبيجى فى الحال وبيبقى محافظ على مزاقة المتميز جدا وطعمه الرائع.

Mohamed Esmail

كوك دور من المطاعم اللي بعشقها وبحكم شغلي وبحكم اني عازب فأنا بعتير نفسي زبون دايم عنده بحب من المنيو بتاعه البرجر بيعمله بطريقة هايلة وكمان الكوردن بلو جامد اوي بس اللي انا لاحظته ان الطعم مش واحد في كل الفروع يعني انا مثلا اكلت مرة من فرع العباسية جنب سكني واكلت من شيراتون الفرع اللي جنب الشركة اللي شغال فيها مع احترامي الفرق شاسع فرع شيراتون حاجة تانية خالص من حيث الخدمة والطعم وكل شئ يمكن ده بيرجع لرقي المنطقة اللي فيها كوك دور الله اعلم بس انا حكيتها عن تجربة شخصية لكن ده ميقللش تماما من حجم كوك دور ولا من اكله خالص

Ahmed Saber

بجد وبدون مبالغه لازم نقول ان سلسله مطاعم كوك دور من اضخم المطاعم اللى موجوده فى مصر لانها سلسه مميزه جدا وكل اللى بتحتاجه من وجبات بتلاقيه متوفر فى مطاعم كوك دور وبيجيلك لو طلبته فى اسرع وقت وده بفضل الدليفرى اللى فى المطاعم الهايله دى بالنسبه للاسعار هى كويسه جدا ومافيهاش اى مبالغه ولا ساندوتش الكومبو ده بقة حكايه ملهاش مثيل بجد الاسم نفسه لما نذكره لازم نسقف للمستوى اللى وصلتله مطاعم كوك دور من نظافه وخدمه ممتازه واسلوب مهذب وده ان ده فأنه بيدل على حسن الاداره اللى من خلالها بترتقى السلسه الجميله دى.

احمد ابوالقاسم

لو اتكلمنا عن ساندوتشات كوك دور هنلاقى انها من اجود انواع الساندوتشات وده من وجهه نظرى الشخصيه وتتميز كوك دور بكثرة الفروع فى مصر وجوده التعامل مع الاصتف الموجود هنا وجوده الخدمه عموما اما بالنسبه للساندوتشات فهى فعلا لذيذه وشهيه جدا وانا من عشاق الساندوتشات والتيك اواى بصفة عامه وبحب اوى الدليفرى علشان انا مشغول طول الوقت حتى يوم الاجازه لا املك ان اذهب الى مطعم كوك دور لتناول وجبه هناك وده يرجع لان عندهم اسرع واجود واحسن دليفرى فى مصر بيهتم جدا وكأنك داخل المطعم وهذا ان دل فبيدل على الحفاظ والاهتمام من اداره المطعم على اسمه العريق.

Ahmed Youssef

من اجمل المطاعم فى مصر دة احنا حفظنا المنو بتاعها بصراحه الاكل فيه ليه طعم تانى انا بحب اكل فى لانه مطعم جميل اكلاته رائعه بمعنى الكلمه والخدمه فوق الممتازه فى المطعم ده وفيه كل اصناف الاكل اللى بموت فيها بس انا بعشق اكل المطعم ده ومطعم كوك دور متواجد فى معظم المحافظات يعنى انا من قنا عندينا فرع محترم جدآ والخدمه فيه ممتازه جدآ وفى القاهره كمان دخلت كوك دور بصراحه مفيش بعد كده خدمه كفاءه تميز مطعم يستاهل مليون هديه من عملائه وانا متأكد انه مفيش حد دخل كوك دور واكل عنده الا لما شكر فيه وفى الاكل بتاعه وتقديم الطلبات.

JASSY MINA

كوك دوور بجد فظيع وتحفة من اكثر المحلات في الدليفري مميز جدا وله طابع خاص في كل اكلاتة وساندوتشاتة وبيتزاتة وديكوراتة في محلاتة فعلا ماكلتش ولا هاكل زي ما اكلت في كوك دوور نظافة خدمة جودة طعم سعر راحة بجد فوق القمة وساندوتشاتة كبيرة وتشبع اوي وبجد عندة كل حاجة في اي وقت كووك دوور من علامات محلات مصر للدليفري انا كل ما اروح اخد حد من اصحابي اعزمة مخصوص لجمال الاكل واعرفهم قد اية انا بحب كووك دوور والناس هناك منتهي اللطافة والذوق وعندة كل انواع الاكل وطهي جيد وجميل انا بحب كووك دوور اوي بجد جعان مش جعان تحب تروح تقعد فية.

Ahmed Esmael

ببساطه احسن واحد بيبيع سندوتشات في مصر بجد اكله مميز وجامد جدا والفرايز بتاعته عمري مكلت زيها قبل كده يعني اكيد اللي اكل السوبر كرانشي عارف كلامي كويس اوي طيب والفرايداي لالا مفيش زي كده. راااااائع بجد من اول السيرفينج لحد التوصيل للمنازل كل شئ ممتاز بغباء. من المطاعم اللي تتكيف وانت بتتعامل معاها, حيث ان يعني الجو النفسي عامل مهم جدا فشهيه البني ادم مننا وديه اقل حاجه ممكن اقولها بجد لاني شايف في الناس ديه منظومه متكامله من الخدمات والجوده الى ابعد حاجه ممكن تتخيلها. وانا فخور جدا ان عندنا المستوى ده من الخدمه هنا في مصر, استمروا.

Randa Mostafa

ياسلام على كوك دوور وأكل كوك دوور واحلى حاجة بقى ان فى ديليفرى بينفع اوى بالذات فى الشغل دائما انا واصحابى بنجيبوا لما نكون فاضيين ونشعر بالجوع ساندوتشات كوك دوور رائعة جدا وحجمها ممتاز فهى متنوعة من ساندوتش فراخ بانية الى الكفتة والشيش طاووق والسى فود والكباب والشاورمة وكل ما يعجبك بجانب البطاطس الرائعة والمختلفة عن اى مكان اخر دائما تجد مع الوجبة مياة غازية متنوعة بين البيبسى والسفن والميراندا ان هذه الوجبة متكاملة وتشعر بالشبع بعدها ولا تحتاج الى اكل اى شئ اخر الا فى وقت العشاء وايضا تستطيع الذهاب الى المكان والاكل فيه بدلا من الاكل فى المنزل.

Hossam Abdalhmed

الحقيقه ان كوك دور من اكتر المطاعم اللى اثبتت نجاح وثبات فى السوق المصرى لانه محافظ على مستواه من فتره كبيره ودايما فى تقدم, كمان انا بعتقد انه خدمه العملاء والدليفرى عنده احسن من باقى مطاعم الوجبات السريعه المشابهه ليه فى نفس المجال, يمكن بس كان ليه سابقه سيئه معايا لانى وجدت كيس كاتشب فى السنداوتش مخلوط مع الاكل ويبدو انه استوى مع الاكل بالكامل ودخلت طلبت مدير الفرع ولما شاف السندواتش اعتذرلى جدا وفى اقل من5 دقايق ورغم الزحام الشديد عمل سنداوتش غيره وافضل بكتير وطبعا مجانى بلامقابل بدل من السنداوتش الاول ودى بصراجه كانت لمحه محترمه من طاقم المكان وطبعا وارد الخطاء فى اى شئ ولكن الاهم كيفيه التعامل معاه واحتوائه بشكل لائق ومهذب لراحه الزبائن.

Mena Elnabil

كوك دور من اهم المطاعم الموجودة فى مصر اللى يطلق على مطاعم محترمة بمعنى الكلمة يعنى اية مطعم محترم يعنى بيقدم احلى اكل مع احلى خدمة والاسعار مناسبة بجد انا من اكثر الناس اللى بيدوم على التواجد فى كوك دور ودايما فى وقت الغذاء بجد الاكل بيشبع وبالنسبة للسعر ودة ميزة ممكن مش تلاقيها فى اى مكان ان السعر يناسب المنتج بجد الاكل ممتع وكمان اللى بيميز كوك دور عن باقى المطاعم الموجودة انة متوفر فى اماكن كتير وقريب من اى مكان وبجد الدليفرى بجد بيجى بسرعة ودة ميزة كمان يبقى السعر وتواجدة فى كل مكان وسعر الدلفيرى هما اللى عملة اسم كوك دور يبقى لازم الواحد مايفكرش يروح مكان تانى لان كود دور اقرب ليك.

Mesho Sameer

يتميز مطعم كوك دور بما فيه من مأكولات شهيه وأشهرهم المشويات المدخنه، يعجبنى مطعم كوك دور بأنه منتشر فى كثير من المحافظات حتى الصعيد نجد أن هناك أفرع للمطعم فمثلا فى أسيوط نجده موجود. أنا دخلت مطعم كوك دور أكثر من مرة، عجبنى جدا النظام الموجود فى التعامل، اتشجعت جدا بنظافة المكان. أنصح المخطوبين بزيارة المكان وتناول الوجبات الجميله هناك. أنصح أيضا المخطوبين بزيارة فرع غمرة بالقاهره والتعامل مع الكافى شوب بجوارة التابعه لكوك دور فهى مكان رومانسي وهادئ وجميل. أنا دخلت كوك دور فى مطاعم الصعيد ووجدته كويس جدا ومحترم جدا وانصح بزيارته كثيرا عندما تريد أن تأكل أكل كويس فى صعيد مصر.

Omar Moawed

يعنى اية كوك دور؟ يعنى كل اما اخش اكل انا واصحابى منلاقيش ولا طرابيزة فاضية من كتر الناس فناخد تيك اواى..ساندوتشات كوك دور كويسة جدا واسعارة اقتصادية احسن من مطاعم تانية كتير.

Mark Kamel

من المطاعم اللى مميزه جدآ فى مدينه العبور لانى فعلآ الخدمه فى المطعم ده مميزه جدآ مش بس كده لكن الساندوتشات طعمها يجنن وياسلام لو انت قاعد فى البيت وطلبت دليفرى تلاقى الامور بسيطه وجميله جدآ كمان الاسعار كويسه جدآ هناك يعنى فى اى وقت تروح تلاقى المطعم بيلبى احتياجاتك يمكن بس زى ما ذكر ان مش كل الفروع زى بعضها يعنى المفروض مطعم ليه سمعته وشهرته زى ده المفروض ان مستوى الخدمه يكون ممتاز فى كل الفروع انا شايف انهم بيحاولوا يعملوا كده وكمان لازم نبص على الفروع الكويسه يعنى المطعم جميل والاكل فيه جميل يستحق انك تروح تدوق اكله.

Bisbis Basabeso

انا بتعامل معاه كتير اوي اوي ساعات بروح اكل وساعات ديليفري بس بصراحه انا بحبه اوي واكله ممتاز ودايما باكل تشيكن كرسبي وكفته انا بتعامل مع كوك دور الهرم

حسن على ابراهيم حافظ

بصرحة جامد مووووووووووووووووووووووت وبصراحة الخدمة كويسة جدا بس مكنتش عارف اركن السيارة وبعدين قريب من ميدان التحرير ومن شارع طلعت حرب.

Manar El Kady

هو بصفة عامة من احسن مطاعم الساندوتشات والوجبات السريعة ولكن مسألة ان هناك فرع جيد وفروع ليست بنفس الجودة هو اكثر ما يزعج اي شخص لان ذلك يؤثر في ثقة العميل في هذا المكان واعتقد ان اسوأ فرع هو فرع سيتي ستارز فعلا ليس بنفس جودة باقي الفروع واكثر شي يعجبني في تنوع الاصناف عنده هو وجود ساندوتشات دايت فكثير من المطاعم لا تهتم بالطعام القليل السعرات الحرارية فاتمنى ان تكون الفروع كلها على مستوى واحد من الجودة والخدمة السريعة والتميز

Manar El Kady

من المطاعم الجيدة واعتقد انه مازال محافظ على مستواه نوعا ما, بس بحس ان فرع سيتي ستارز مش حلو اوي اكلت منه اكتر من مرة وفي كل مرة بحس ان الساندوتش (متكروت)