كوك دوور

Motaz Bellah Hesham

كوك دوور هو من فضل مطاعم الفاست فود في مصر ،، انا على طول باكل منه وشايف ان اكتر ميزات كوك دور هي: الخدمة السريعة جدا يعنى الاوردر تقريبا بيتعمل في عشر دقايق ،، الشهرة الواسعة وكثرة الفروع اللى موجودة في كل حتة وان كنت غالبا بتعامل مع فرع الهرم حيث انه اقرب فرع بالنسبة لي وفي مكان حيوي جدا امام شارع العريش ،، الاكل الرائع والمميز اللى عند كوك دور مثلا الشيش طاووك والبرجر والسوسيس ،، الستاف اللى جوة محترم جدا ،، وانا شايف ان كوك دور من افضل محلات التيك اواى في مصر وبنصح كل الناس انها تجربه وتاكل منه سواء كان في المطعم نفسه او تيك اواى

Sherif Samy

بصراحة كووك دور من الاماكن الحلوة اوى انا دايما باكل فية عشان عندة شوية سندوتشات تحفة، والكلام دى على اغلب السندوتشات او على الاقل السندوتشات اللى انا اكلتها هناك و من احلى السندوتشات اللى انا بحب اكلها، هناك عندهم شوية بطاطس جميلة اوى و الحلو كمان فيها انك بتاكلها سخنة مع الكاتشب و الميونيز بجد حلوة. كمان من الحاجات الحلوة هناك المكان نظيف فى كل حاجة و السرفس عندهم كوبس اوى سواء كان فى الدلفرى اوى فى المحل و الحلو كمان ان فى فروع كتيرة اوى للمحل يعنى ممكن تلاقية فى اى مكان انت تكون فية وبعدين الاكل عندة بيشبع اوى بس طبعا مش من سندوتش واحد، و بجد لو فى حد مجربش كووك دور و مش لازم فرع الهرم اى فرع لية يجربة لانة مش هيندم.

Mahmoud Ragab

كوك دوور بجد جااامد اخر حاجة وطعم السندوتشات كلها تحفة. انا بحب اكل عنده دايما وساعات بقابل اصحابي وبنقضي وقت حلو وناكل اكل حلو. بحب اكل التشيكن فاهيتا بالصوص المكسيكي والكوردن بلو والبكيني بصوص الباربكيو والشنغهاي بالصوص الصيني، وبحب اكلهم كومبو ده عشان سعرها حلو، ده غير ان البطاطس جامدة جدا ودايما طازة. بس بصراحة مجربتش سندوتشات اللحوم هناك عشان سمعت انها مش قد كده. ومن الحاجات الحلوة كمان ان الاستف بتاعه على اعلى مستوى من الخدمة والاحترام ودي من الحاجات المهمة اللي بتخليني اروح هناك على طول. ده غير ان المكان دايما نظيف وبالذات الترابيزات والحمامات، ونظافة الاكل اللي دايما بحس بتحسن فيه كل مرة عن اللي قبلها.

Abdelrahman Gamel

كوك دوور بصراحة جامد انا بحب اكل من عندو دايما علشان اكلهم حلو بس الشاورمة عندهم اوقات بتبقى كلها بصل مش عارف لية بس احيانا مش دايما بس لما بتبقى حلوة بتكون معدية اوى والكبدة هناك حلوة اوى بصراحة هما حلوين واحلى حاجة هناك انا بحبها البانية هناك روعة معدى بجد والفروع بتعتو كلها حلوة اوى و بنفس مستوى الخدمة. انا اكلت فى فرع الهرم بصراحة عجبنى اوى هيعجبكو بجد بس الواحد مش بيشبع بسرعة ليه ممكن يكون من حلاوة الاكل اللى هناك.. هتاكل من هنا وتحس انك جعان بعد ساعة من هنا مش عارف روحو ياجماعو بس انتو اكيد جربتو لانه غنى عن التعريف