مكتبات المعايرجى

Abdelsalam Elwi

مكتبة المعايرجي اول مكتبه عنيا وقعت عليها لما روحت الفجاله لاول مره بعد دخولي كلية الهندسة وده طبعا لاني كنت رايح ومبسوط انني اشتري مسطره طوييله اوي واعلقها في كتفي وامشي بيها ومش بس كده والشنطة الغريبه اللى يلبسوها المهندسين اه كانت طقوس وكنت فرحان بيها بجد المكتبه رائعه جدا وتلاقي كل اللى انت عاوزه ومش عاوزه كمان تخيلوا في حد كده واسعارهم يعني الى حد ما كويسه مش عاليه اوي ومستوى جودة المنتجات كويسه بس برده خدمة الزبون عندهم مش قد كده وده عادي لانك في مصر وهي تعتبر من اقوى المكتبات والسلاسل وتنافس بشدة سمير وعلي وغيرها من المكتبات الكثيره.

Mark Kamel

المعايرجى اسم له شهره عاليه فى الادوات المكتبيه، استطاع ان يشد انتباه العديد من الزبائن وذلك بسبب التميز الدائم، الاسم تقيل فى النطق شويه لكن الجوهر هو اجمل، فمكتبات المعايرجى بكل فروعها تنفرد بمجموعه متميزه من الادوات المكتبيه، المكتبات اللى بتعمل كده كتير فى نفس المجال لكن مكتبات المعايرجى انفردت وتميزت بالجوده العاليه والمتميزه وايضآ التنوع فعندما تذهب الى المعايرجى ستجد حتمآ ماتطلبه، وهذه ميزه جميله، وكمان الاسعار فى مكتبات المعايرجى معقوله وبجد المكتبه بتبيع كل حاجه من الكتاب الى القلم وجميع مستلزمات المكاتب تستحق الثقه والتجربة.

Manar El Kady

المعايرجي من اقوى وافضل المكتبات, لانها شاملة اقسام كتيرة اوي وفيها جميع انواع الادوات المكتبية، ومافيش حاجة ممكن تطلبها او تحتاجها وماتلاقيهاش هناك, بجد كل حاجة متوفرة هناك، وفيها تنوع واختيارات كتيرة بتناسب كل الفئات. موجود هناك كل مايتعلق بالادوات المكتبية بجميع انواعها وماركاتها واسعارها، ده غير قسم كامل خاص بالهدايا المختلفة لكل المناسبات. ومن اشيك الهدايا اللي ممكن تجيبها طقم للمكتب لان عندهم تشكيلة جميلة واسعارها مناسبة وكمان اطقم الاقلام الماركات حلو اوي، وفيه كمان قسم تابع ليه للف الهدايا بشكل جميل وانيق. المكتبة كمان فيها قسم كبير للعب الاطفال , بصراحة المكتبة دي جميلة وفروعها كلها كبيرة وحلوة اوي وفيها كل الادوات المكتبية اللي تخطر على بالك.