اسواق الشريف

Mohamed Osman

انا عايز اتكلم عن اسواق الشريف اللى فى العاشر بردو بس الفرع اللى عند مول الحجاز عند مدخل سينما رينيسانس العاشر من رمضان (سينما علاء الدين) الماركت عبارة عن 3 طوابق الدور الارضى هو اللى فيه كل المواد الغذائية والبقوليات والجبن والاطعمة والمشروبات هما كمان بيعملوا عروض وتخفيضات بس كل فترة لكن هما من غير عروض بردو اسعارهم كويسة الدور التانى مخصص للاغراض الشخصية والخاصة زي المناديل والمنظفات ومساحيق الغسيل والشامبوهات وخلافه الدورالثالث هو اللى فيه الادوات المنزلية زى منشر الغسيل والتابلوهات والمعالق والاطباق وكل متعلقات المطبخ المحل فيه كل حاجة ممكن تحتاجها بس فيه عيب واحد ان السلم عادى مش كهرباء وده بيخليك لو معاك بيبى ماتعرفش تشيل حاجات كتير لأنك مابتقدرش تتسوق بعربية لكن بتشيل كل حاجة فى ايدك غير كده المحل جميل.