التوحيد والنور

Ali Ahmed

التوحيد والنور هى سلسه محلات تجاريه ومن افضل المحلات الموجوده فى عالم اللبس وجميع الماركات والخدمات والاسعار كمان وهيا لها فروه فى كل حته فى مصر وهيا قدرت تدخل كل بيت فى مصر باسعارها الرخيصه جدا وكمان بتلاقى حاجه اسعارهم واحده مفهاش فصال ولا نضال لان اسعارهم اسعار نهائيه وكمان مميزه جدا وكمان من الحاجات الحلوه اللى فى التوحيد والنور انك بتلاقى جميع الملابس الحريمى والرجالى والاطفال وجميع المقاسات الموجوده فى التوحيد والنور وبتضم ايضا جانب من المصنوعات الجلديه منها الجز الرجالى والحريمى والشنط الحريمى وجميع ملابس الرياضه والتى شيرتات وهيا اسم عريق فى عالم محلات اللبس

Ahmed Elhussieny

محلات عادية جدا بصراحة من وجهه نظرى وانا شايف انها مافيهاش حاجة تميزها غير شهرتها بس انا مااعرفش هى شهرتها اتبنت على اية لانها بصراحة محلات عاديه جدا وبالنسبة للاسعار فيها عادية جدا مافيهاش حاجة تميزها عن اى محلات تانية وهى دايما زحمه بصراحة واللى انا بشوفو ان مش كل المنتجات اللى فيها ممتازة ولا رديئة ولكنها منتجات عاديه جدا وماتستاهلش الاسعار الغالية اللى هيا فيها وكمان مرة كانو عاملين تخفيض على منتج معين بدون ذكر اسماء والسعر اللى التخفيض وصلو هوا هوا نفس سعر المنتج الاصلى فى محلات تانية بدون تخفيض يعنى بصراحة هى محلات عاديه جدا ومجرد اسم مش اكتر.

Abdelsalam Elwi

التوحيد والنور ده من أفضل المحلات في مجال الملابس والخدمه اول ما فتح واكن رأئع جدا بجد حاجه تشرف وكنت فرحان جدا اني فيه حد بيفكر في خدمة المواطن بالطريق دي أسعار هايلة وجودة رائعه واختيارات كثيره لدرجة اني كنت بروح الاقي نفسي بشتري كل حاجه منهم كل حاجه فعلا بس الكلام ده اول ما فتحوا ولكن الان البضاعه لديهم قلت وطريقة خدمتهم انقلبت للعكس تمام، والاختيارات اصبحت قليله بل محدوده ومش عارف ليه ممكن يكون اتغنوا شويه وعلى الرغم انهم بيفتتحوا فروع جديده بس لاامانه هما هتلاقي عندهم الحاجه الكويسه الان بس ممكن الاختيارات بتكون قليله خالص وده هيخليك تلف على البعض المحلات بس تقدر تاخدهم مرجعيه ليك في الاسعار والخامه.

Mohamed Rezq

من سلسلات المحلات اللي لا تحتاج لدعايه حتى تشهر اسمها لانها تنتشر بفروعها مثل النار في الهشيم وفي كل حته في مصر حتى انها في امبابه عندنا ليها حوالي اربع او خمس فروع منهم اثنين في شارع واحد اللي اسمه شارع الوحده وطبعا موجود في المحلات دي كل ما يحتاجه البيت من الابره للصاروخ والاسعار تعتبر مناسبه جدا لكل طبقات الشعب وفيها الغالي والرخيص والاصلي والتقليد والاجمل انها فيها منتجات صنع في مصر كتير، المكان تحس انه عملاق قوي وليه هيبه في اي فرع من فروعه بس الواضح انه كان فيه اكتر من شريك في السلسله وانفصلو عن بعض وبقو يحطه كلمة تانيه عشان يغيرو التسميه بس لازم يكون فيها كلمة التوحيد او النور واكيد من الحاجات الجميله انهم بيقفلو كل وقت صلاة بيروحو يصلو ويرجعوا يفتحو.

Hytham Hamada

لما تفكر تشترى اى حاجه سواء كانت ابره او صاروخ (لعبه) اكيد هتروح للتوحيد والنور فروع التوحيد النور ماشاء الله منتشر انتشار هائل فى كل مكان لاشباع رغبه العملاء يتميز التوحيد والنور بمنتجات من ملابس واجهزه كهربائيه وديكورات وحاليا فى الفروع الكبرى مثل فرع الدقى يوجد فيه غرف نوم وسفره وغرف اطفال وهذا يجعل من التوحيد والنور علامه مميزه من علامه التسوق وبالنسبه للاسعار يختلف الاسعار من فرع لاخر حسب تواجده فى المكان مثل اسعار مدينه نصر ومصر الجديده والدقى بخلاف اسعار السيده زينب والجيزه وهذا عيب خطير فى استراتيجيه اداره التوحيد والنور اتمنى انهم يعالجوا هذا الخطأ قريبا.

Marium Mohamed

المكان ده مشهور جدا و انا شخصيا بفضلة عن اماكن كتير اوى نظيرة ليه. المكان هتلائى فيه كل حاجة بتدور عليها علشان تجهيز البيت من اثاث لأجهزة كهربائية لنجف وهدوم وادوات المطابخ والملابس و كل حاجه هناك, يعنى العروسة ممكن تجيب كل جهازها من هناك و الحلو فيه انه بيجيب احسن الماركات فى العالم و كمان بيكون معاها الضمان بتاعها. الناس اللى شغالة هناك متعاونة جدا انا شخصيا اشتريت من هناك طقم صينى كان حلو جدا و كمان كان من احدث الحاجات اللى شفتها. المكان اسعاره مناسبة جدا لكل الناس ومش غالية خالص علشان الناس كلها تتجوز. وكمان فروعه منتشرة فى كل كان فى مصر منين ما تروح هتلائيه قدامك علطول.

Sameh Samir

التوحيد والنور هى سلسلة محلات تجارية اسسها الملياردير المصرى رجب السويركى، واصبحت الان من اضخم واشهر سلسلة للمحلات التجارية فى مصر فروعها تغطى معظم انحاء الجمهورية. وقد حقق التوحيد والنور فى بداية الانشاء نجاحا باهرا حيت يتميز التوحيد والنور بوجود عدد كبير ومتنوع من الملابس الرجالى والحريمى والاحذية والاكسسوار والاجهزة المنزلية والرياضية والمنتجات البلاستيكية، او بمعنى اخر كل ماتحتاجه لكى تؤسس منزلك وكل ذلك فى مكان واحد. واذا اردت ان تشترى لك ولاسرتك مستلزمات الدراسة او الاعياد فسوف تجدها ايضا كل ذلك فى مكان واحد ولن تحتاج الى ان تذهب الى اكثر من مكان فهو يوفر الوقت والجهد. اما الاسعار فهى متقاربة بالنسبة للاماكن الاخرى وسوف تجد لدى التوحيد والنور اكثر من سعر للمنتج فهو يتيحه بكل الاسعار طبقا لجودة المنتج، وذلك لكى يكون مناسب لجميع الشرائح الاستهلاكية. واكثر فرع اتعامل معه هو فرع البحر الاعظم الذى يطل على النيل لاننى اجد كل ما ابحث عنه فى هذا الفرع من ملابس او احذية قد لا اجده فى فروع اخرى، كما ان الفرع كبير لاتشعر فيه بالازدحام ويمتاز بالنظافة وحسن المعاملة من العاملين به ويقوم بعرض منتجاته بطريقة جذابة كما انه يتيح التعامل مع البطاقات الائتمانية. الكثير لم يذهبوا الى التوحيد والنور لانهم يعتقدون ان التوحيد والنور لا يقدم الجديد ... ولكن اذهبوا الان فسوف تجدوا بانفسكم كل جديد.