مطعم لا فيراندا

محمود ناجى نصرالدين محمد

تعتبر سلسلة مطاعم لا فيراندا من احسن وافضل المطاعم العالمية فى مصر . مطعم لا فيراندا له فروع كتير منتشرة فى مناطق متعددة بس بصراحة مش عارف اذا كان له فرع فى القاهرة ولا لا . ان جربت بس الفرع اللى فى شرم الشيخ . بجد المطعم ده جامد جدا وكل حاجة فيه رائعة. لو جينا نتكلم عن الاكل فبصراحة هو بيعمل مجموعة من الماكولات والمشروبات المتميزة جدا . انا بحب اكل كل حاجة من عنده ياعنى مش فيه واجبة مفضلة . بس اوحش حاجة هناك ان الاسعار غاليه وطبعا عشان منطقة سياحية وكدة وكمان عشان جودة المكان. والخدمة هناك متميزة جدا .والمكان نظيف جدا . بجد كلكوا لازم تجربوا مطعم لا فيراندا.

Motaz Bellah Hesham

لافيراندا مطعم ممتاز جدا، انا اكلت فيه مرة واحدة بس طبعا لاني بنزل شرم كل سنة مرة، بس المطعم بجد عجبني جدا كل حاجة فيه ممتازة، وجوة فندق الشيراتون حاجة على افخم ما يكون، والموقع بتاعه جوة خليج باشا يعنى احسن منطقة في شرم تقريبا، بالنسبة للمطعم من جوة فهو فاخر جدا وشيك اوى والاكل اللى جوة معظمه فيجيتريان واحسن حاجة تاكلها من جوة البان كيك واللحمة الباردة، الاسعار غالية جدا لانها سياحية وفي شرم الشيخ ولكن زي ما الاسعار غالية بس كل حاجة جوة ممتازة والخدمة كمان رائعة جدا جدا الستاف اللى جوة محترم، طبعا المطعم من جوة شيك اوى ونظيف على طول، وانا برشح لافيراندا لكل اللى مسافر شرم الشيخ ونفسه يقعد في مطعم كويس.