ماكدونالدز

محمود ناجى نصرالدين محمد

ماكدونالدز ده بصراحة من احسن سلاسل المطاعم التى تقدم الوجبات السريعة والساندوتشات انا دايما باكل من عنده بصراحة الاكل هناك لايقاوم ملقيتش ساندوتشات زى اللى عنده دى فى اى مكان ولا فى طعمها. لا وكمان الدليفرى بتاعه سريع جدا بيوصلك الاكل اكنه لسة معمول حالا. ده غير الاسعار الموجودة هناك بتناسب اى حد. وكمان بيقدم مجموعة من الوجبات والساندوتشات اللى بتناسب جميع الاذواق. وانا بنصح اى حد ما جربش ياكل من عند ماكدونالدز انه يروح وياكل عنده او حتى يطلب دليفرى. انا متهيألى ان الشعب المصرى كله بياكل من ماكدونالز. ده غير بقة العروض والتخفيضات والوجبات الجديدة اللى بينزلها واللى بتجذب الكثير من الزبائن الجداد.

Marianne Malak

أنا احبة، أنا كمان احب اقدم لكم إعجابى بماكدونالدز، بجد المكان دة أنا أفتكر إنه أول مكان عرفته أول ما إبتديت أفكر إنى أكل برة لما كنا أصغر من كدة شوية، و فعلا مع الوقت عرفت إن المكان دة بجد فيه حاجات كتير بتميزه أهم حاجة هى أسعاره الرخيصة، و كمان فيه مكان للأطفال يلعبوا فيه وينبسطوا و أحيانا كمان أنا بلعب معاهم فيه. دة غير إنه مكان مناسب جدا لو حبيتى تعملى فيه عيد ميلاد لإبنك أو بنتك هيتبسطوا جدا و هيعملولهم فقرات حلوة أوى. دة غير وجبة الهابى ميل اللى كلهم بيحبوها و كمان سعرها مش غالى عليكى والألعاب اللى هياخدوها، مع العلم إن الإسبوع دة لعبة ماكدونالدز جبتها انا و أصحابى كلهم أصلهم عاملين كل شخصيات (شريك و فيونا) بجد ماكدونالدز أنا أحبه.

Dalia Nabil

فعلا ماكدونالدز من الاماكن المفضلة لدى ولدى الكثيرين فى مصر، حيث انه يتميز بوجاباته اللذيذة والشهية. وان اسعاره مناسبة جدا و يراعى كل الاذواق وكل الفئات حتى انه مناسب لكل الاعمار، فتجد ان المترددين عليه من الاطفال والكبار حيث يشتهر بالعروض على الالعاب الشهيرة التى يقدمها للاطفال مما يجذب الاطفال للوجبة التى يقدمها لهم مع اللعبة الشيقة. ايضا مما يميز هذا المكان وجبات الافطار التى يقدمها فى اوقات مبكرة صباحا حيث انك يمكن ان تاخذ افطارك قبل الذهاب إلى العمل، وايضا فكرة المنيو فايف اجدها جيدة جدا حيث فى حالة لو كنت مش جعان اوى ممكن تأكل وجبة خفيفية من منيو فايف، او لما تكون مفلس والميزانية مش قد كده ممكن برضه تطلب ساندويتش مع فرايز وتأكل وتشبع بأقل سعر ممكن، وممكن تأكل ايس كريم او تشرب ميلك تشيك اللى بيتميز به ماكدونالدز كما انه فعلا اسرع دليفرى فى مصر.

غادة فولى

بجد ماكدونالدز من اروع الاماكن فى كل شئ. جميل قوى هناك إن فى انواع كتيره قوى من الساندوتشات، بجد قائمة ماكدونالدز مليانه انواع كتير ومن كترها بحس انى عايزة اكل كل انواع السندوتشات الى موجوده هناك، مش بس كده انا بعشق الايس كريم بتاع ماك وساعات كتير بروح بس عشان اكل الايس كريم هناك. ومش بس الاكل هناك هو اللى يجنن بس فى حاجة كمان هى اللى بتخلينى اروح دايما وهى ان الجو مريح جدا فى المكان ودايما انا وزمايلى بنتجمع هناك وبنقضى تقريبا الوقت كله هناك، وده لان فعلا بنبقى مبسوطين هناك لان الناس اللى بتشتغل هناك اجمل مافيهم ابتسامتهم ومعاملتهم الكويسة. واكتر حاجه عجبتنى هناك هى ملاهى الاطفال بجد فكرة جميله جدا انهم بيهتموا بكل الفئات كبار وصغار.

In Egypt Adonis

An important factor in the success of this fast-food chain is its tasty fries. These are the customers’ (especially for me) favourite item and are more popular than their burgers. The cooking oil they use adds to the taste of the fries." ....well, ok this is one of the good parts of McDonald's. But I am sorry to say that, sometimes incorrect orders can come from this branch... I ordered diet cola, they brought me ice cream, can you believe it?!

Rasha Osama

ماكدونالدز ... انا احبه. ده شعار ماكدونالدز اللى مش مجرد كلام ولكن حقيقة. ده راجع لانة مطعم متميز من حيث سندويتشاتة الرائع و اسعارة المتميزة اللى بتنقذنا فى اوقات الضياع قصدى فى اوقات الافلاس واخر الشهر. منيو الخمسة هو اختراع ناجح جدا منهم لان كل حاجة فية بخمسة وبالتالى من السهل انك تاكلة فى اى وقت. كل ده بالاضافة الى الميزة الرائعة الموجودة فى فرع شارع 9 وهى الكار بيك اب قصدى خدمة السيارة اللى بتسهل عليك انك مدورش على مكان تركن فيه عشان تنزل تجيب اكل ولكن يمكنك ان تاخد ماتشتهى بالسيارة. حاجة تانية ودية موجودة فى كل الفروع وهى سرعة الديليفرى الخاص بهم فى خلال 35 دقيقة وسعات اقل بتلقيهم عندك وبالتالى همانجحو فى ان يكونو اسرع ديليفرى فى مصر ودة حقيقة مش خيال. فعلا انا بحبه