باشيونل

Mark Kamel

شوكولاته جميله ومميزه الطعم تحفه مالهاش مثيل، باشونيل اسم ليه تاريخ جميل فى الشيكولاته مميزه جدى، بيقوم بعمل تشكيله جميله من الشيكولاته والحلويات الفاخره، الاسعار مناسبه تقدر تقول المنتجات تستحق الاسعار دى، كمان تلقاه فى المناسبات زحمه لان الشيكولاته من الهدايا القيمه واللذيذه اللى غالبآ بتاخد الجزء الاكبر فى الهدايا، الخدمه هناك مالهاش مثيل، بيقدموا القائمين على العمل هناك افضل المعامله مع الزبائن، انا شايف انه ناجح فى المجال ده بدرجه عاليه جدآ وكمان لو حد عايز ياخد هديه لحد انصحه انه يروح لباشونيل وهيلاقى اللى يناسبه ويناسب هديته.

Mohamed Salah Salah Mahmoud

محل ممتاز لشراء الشيكولاته منه لان عنده تشكيلة شيكولاته تحفه وطعمها يجنن والاسعار عنده مناسبة كمان لان الكيلو يبدأ من 70 جنيه تقريبا وبيوصل لحد 200 جنيه فكل واحد بيجيب اللي يناسبه. وبصراحة الشيكولاته ممتازة وشيك ومناسبة لكل المناسبات وكمان عندهم هدايا حلوة مثل فازات وبونبونيرات وهدايا كريستال بتكون مثالية اوي الهدايا دي لما بتتزين بالشيكولاته في مناسبات معينة مثل عيد الام او الفلانتين مثلا.

Manar El Kady

باشيونيل من اقوى واحلى واشيك محلات الشيكولاته في مصر وانا شخصيا بعتبره افضل حاجة, عنده تشكيلة رائعة من الشيكولاتات باسعار متفاوته , ده غير الطعم الرائع للشيكولاته بجد الطعم حلو اوي والجودة عالية فعلا ودايما لما بكون رايحة زيارة لحد وعايزة اجيب حاجة شيك مش بلاقي احلى ولا اشيك من شيكولاتة باشيونيل عشان اجيبها هدية, كمان عنده تحف وانتيكات في منتهى الشياكة والفخامة تنفع كهدايا قيمة فمثلا عنده اطباق فضة وكريستال شيك جدا وفازات اشكالها رائعة وممكن انك تطلب انك تزينهم بالشيكولاته وطبعا بيلفلك الهدية لفة ماحصلتش فبجد بتكون هدية رائعة تنفع لمختلف المناسبات, ده غير انه بيعمل هدايا جاهزة في المناسبات المختلفة زي عيد الام وعيد الحب بتكون شيك اوي واسعارها جميلة ومعبرة عن المناسبة , فروعه كلها شيك وكلها احلى من بعض والعاملين في الفروع كمان مهذبين ومتعاونين جدا وفي منتهى اللطف فبجد تحب انك تشتري منهم وتروحلهم تاني اولا عشان جودة الشيكولاته وجمالها وثانيا عشان المنتجات التانية اللي ممكن تشتريها كهدايا وثالثا عشان معاملة الموظفين الحلوة