جمعية رسالة للاعمال الخيرية

Ahmed Saber

بسم الله ما شاء الله الجمعيه دى بجد انا بحترمها جدا لانها بتعمل عمل خيرى لا يقدر بمال انا فخور والله بالحاجات دى فى بلدنا انا ليا الشرف انى اتلكم عن حاجه زى كده جمعيه رساله من افضل الجمعيات اللى اعرفها لانها بتسهلى حاجات كتير فى التواصل مع الايتام بجد انا بشكرهم كلهم على ادائهم الجميل فى العمل الرائع ده وبدعى من كل قلبى اى انسان عنده حاجه مستغنى عنها ياريت ما يبخلش عليها للجمعيه دى لان هدفها رائع جدا وكفايه انها بتساعد الايتام الجمعيه فيها ناس محترمه جدا وملتزمين فى كلامهم وقمه السلاسه فى التعامل مع المترددين على الجمعيه لذا انا فخور بوجود جمعيه زى دى على الاراضى المصريه.

Mohamed Rezq

اول مايخطر في بالك انك عندك شوية هدوم قديمه مش محتاجهم على طول فكرك يروح لجمعية رساله اللي بتعمل من الفسيخ شربات زي ما بيقول المثل الدارج وده طبعا ميزه كبيره في الشعب المصري اللي بيكافح الفقر والاحتياج بكل طريقه ممكنه وطبعا احنا في بيتنا لينا تجربه مينفعش اني اقولها دلوقتي بس بمجرد ما تكلمهم هتلاقي ابطال بييجولك باشكالهم الجميله وابتسامتهم الرائعه وياخدو منك اي شيء ان بتتبرع بيه وبفرحه ويحسسك بقيمة اللي انت بتعمله لدرجه انك عايز تديهم كل عفش البيت معاهم لانك عارف انه هيكون ذو قيمه عندهم. فعلا ده احسن مشروع خيري في مصر وربنا يعين القائمين عليه ويكبرو اكتر واكتر ويغطوا احتياجات كل المسؤولين عنهم.

Mohamed Elhusieny

الجمعيه دى اللى هى جمعية رسالة تعتبر بالنسبة دى من اكتر الجمعيات فى مصر واهم الجمعيات فى مصر لانها بصراحة جمعيه ممتازة وخيرية جدا وبالنسبة لي ومن وجهه نظرى انها من فعلا من اكتر الجمعيات فى مصر وانا بصراحة اتمنى انى اشارك فيها بس هى المشكلة ان انا مش فاضى بس ان شاء الله هاحاول افضى نفسى ليها وانزل يوم اشارك فى الاعمال الخيرية الممتازة دى دة غير انها عامله اكتر من نشاط خيرى متميز ورائع بصراحة زى نشاط التبرع بالورق القديم والملابس القديمه والاموال والغذاء وحاجات كتير جدا ممتازة بصراحة دة غير انهم مرحبين جدا باى متبرع سواء بالجهد او بماديات او بأى حاجة يقدروا يفيدو بيها ناس محتاجة وانا كمصرى اتشرف بجمعية زى دى موجودة فى مصر.

Mohamed Yosry

جمعية رسالة من اكتر الاشياء ايجابية فى مصر من غير شعارات، سبب وصول رسالة لمكانتها دلوقتى بعد فضل ربنا سبحانه وتعالى هى انها اشتغلت وعملت حاجات كانت اول مرة تتعمل فى مصر، من فكرة التطوع فى حد ذاته وفكرة ان الشباب هما الى يعملوا كل حاجة بأيدهم. رسالة مش مكان بيتعمل فيه خير وبس لا ده مكان فعلا عمل تغير فعلى سواء من شباب اتعلم يشيل مسؤلية ناس محتاجة من بعد ما كان مش عارف يشيل مسؤلية نفسه. وان رسالة وصلت لامكان مكنش حد يعرف عنها حاجة، انا متطوع فى رسالة من اكتر من 7 سنين وكانت نقطة تحول فى حياتى، اتعلمت حاجات كتير جدا وخدت خبرة كبيرة وشفت ناس عمرى ما كنت هشوفهم ناس فعلا مش لاقية تاكل عيش حاف. وكفاية ان رسالة طلعت شباب كتير يقدر يشيل مسؤلية ويغير بجد، دة غير كمية الاسر الفقيرة اللى بتساعدها واطفال انميا البحر المتوسط اللى بيحتاجو تغير دم شهرى، ولا المعاقين ولا المكفوفين اللى ليهم حفلة كل سنة فى الجامعة الامريكية، هم اللى بيقدموا فقرتها ولا معارض ملابس للاسر الفقيرة. بجد لازم كل واحد يكون له ساعة واحدة تطوع فى الاسبوع على الاقل.