سوبيا الرحمانى

Marium Mohamed

سوبيا الرحمانى من احسن محلات المشروبات فى مصر. بجد انا كونت بكره السوبيا جدا جدا وكنت استحالة اشربها بس بابا قاللى لازم اجرب المحل ده مرة واحنا خارجين كلنا مع بعض. المهم رحنا السيدة زينب ورحنا المحل المحل صغير جدا جدا وكمان مفيش مكان لا تقعد ولا تقف بس المهم انك تشرب وخلاص. طلبنا كلنا سوبيا وكنت مترددة جدا اشربها بس فى الاخر جربتها وبجد غيرت كل تجربتى السابقة السيئة مع السوبيا ولاقيت اد ايه طعمها مختلف فعلا عن اى مكان تانى فى مصر وخاصة القرفة اللى بيروشوها على الوش وجوز الهند اللى بيكون جواها خرافة خرافة فعلا. علشان كده كل لما اعوز اشرب سوبيا مش بروح الا هناك بس عند الرحمانى.

Sara Ahmed

سوبيا الرحمانى دة المشهور تقربيا بالمزز هوه بجد من اجمل المحلات اللى شربت فيها سوبيا انا شربت سوبيا حلوة تقربيا ثلاث مرات بس شربت كتير اوى السوبيا الدايت عشان بعمل دايت بس بصراحة هى الحلوة اجمل كتير بس الدايت مززة اكتر يعنى كل حاجة ليها حلاوتها بس فعلا انا تقربيا مينفعش اروح السيدة زينب من غير ما اضرب سوبيا من عنده وتقربيا انا كل ما بروح هناك ويكون معايا حد لازم اخده على الرحمانى عشان نشرب سوبيا مع بعض وبصراحة جدا مفيش حد خالص شربها معايا عند الرحمانى الا لما قال عليها انها اجمل سوبيا شربها فى حياته.

Mohamed Osman

المزز ده الاسم اللى مشهور بيه وانا فى رايى المتواضع اجمد واحد بتاع سوبيا فى جمهورية مصر العربية ومايتوهش روح السيدة زينب واسال عليه حتلاقيه قدام مدرسة السنية الثانوية، المهم ان انت تدى نفسك فرصة وتجربه وحتلاقيه حاجة تانية خالص. السوبيا بتاعته مابتتشربش دى بتتاكل زى الارز ابو لبن كده بس جبارة، المحل نضيف بصراحة والاقبال عليه رهيب واللى بيروح له مرة ويجربه مابيبطلش لازم نفسك تهفك عليه كل فترة عشان تاكل منه تانى صحيح مش كله مزز لا عنده حلو ومزز والاتنين مختلفين واحلى من بعض.