سلطانة ايس كريم

Mark Kamel

سلطانه يعنى الايس كريم اللى مفيش زيه مثيل، سلطانه يعنى المكسرات اللى على الايس كريم اللى بتستمتع وانت بتاكلها، فعلآ سلطانه قدرانه يتفنن فى الايس كريم، يعنى لو بتحب الايس كريم ونفسك تاكل ايس كريم ما تنساهوش طول عمرك هقولك روح عند سلطانه هيعجبك قوى، بس هو فيه حاجه لازم اقولها الاسعار، الاسعار عنده غريبه شويه لانها عاليه، بس دة مش من فراغ لان الحاجه نضيفه وطعمها مفيش زيه، لو حابب التميزوكمان مش بتفرق معاك الفلوس روح عند سلطانه، معرفش الفروع التانيه فين لكن اعتقد انه عنده فروع تانى لان عليه اقبال شديد ويستحق الثقه والتقدير.

Mai Talaat

فعلا من أجمل المحلات الى بتعمل ايس كريم فظيــــع وياه بقى الاضافات اللى بيحطها رهيبه حاجات كنت اعرفها وحاجات معرفهاش وألذ حاجه كنت احبها زمان الشمسيه اللى كان بيحطها دى كنت بشك ان هى دى سبب ان اسعاره عاليه شويه هههههههه بس مش عارفه ليه فى اسكندريه بيبقى ليه مزاق خاااااص

Manar El Kady

من اشهر محلات الايس كريم في مصر و تلاجة الايس كريم عنده شكلها يجنن عنده انواع كتيرة اوي وطعم الايس كريم نفسه مالهوش حل، انا شخصيا من هواة الشيكولاته وهو عامل تلاجة خاصة بكل انواع الايس كريم الشيكولاته يعني شيكولاته سادة وشيكوته بالمكسرات وبالسكويت وبقطع الشيكولاته وشيكولاته بيضا وانواع تانيه كتيرة اوي وطريقة العرض كمان تحسسك انك عايز تاكل التلاجة كلها ده غير انواع الصوص والاضافات اللي بيحطهالك على الايس كريم بس لو هتدخل تاخدلك بولتين تلاته اعمل حسابك في 20 او 30 جنيه لان كله بثمنه عنده وسعره غالي جدا