وى - المصرية للاتصالات

Mohamed Osman

انا بدات اتعامل مع الشركة من خمس شهور بس، كانوا عاملين اوفر قوى جدا انك تدفع 6 شهور مقدم ويدولك خصم 50 % والراوتر هدية وده بصراحة اوفر كان قوى اوى وقتها وكمان الراوتر كان واير لس رحت اتعاقد فى الفرع ده وهو يعتبر قدام محكمة مصر الجديدة الناحية التانية جنب البنك الاهلى سوسيتيه جنرال فى الصف بتاع تكا، الفرع على دورين وشيك جدا وعدد العاملين هناك كتير ودقيقين جدا جدا فى مواعيدهم ومنظمين جدا تدخل تاخد رقم وتلاقى 4 بيتعاملوا مع الجمهور وبيلبوا الاحتياجات، لما رحت اتعاقد ادونى كام سوفونير هما مش حاجات غالية بس بتحسسك ان الناس دول محترمين، اول لما بيحصل عندى مشكلة بكلمهم على طول وفى مرة طلبت منهم ان هما اللى يكلمونى وبصراحة عملوا كده واتصلوا ودى برده كانت حركة شيك جدا.

Mohamed Diab Diab

أنا عميل عند TE Data بقالى فترة طويلة, لما بدأت جبت فى الأول ايه دي اس ال سرعة 512 كيلو بايت و رفعتها بعد كده ل 1 ميجا بايت. سرعة الانترنت عندهم ممتازة يعني بتاخد الباند ويدث بتاعك بشكل كامل. هما يعتبر عندهم أكبر وصلة أنترنت فى مصر, يعنى أعلى باند ويدث واخدينه من شركة فلاج تل فى فرنسا. الحقيقة أنا جربت شركات تانية بس تى أى داتا كانت أفضل من الكل. بالنسبة للنقطه اللى كل الناس بتتكلم عليها .... حتة النت بيقع كتير و الكلام ده .... أنا بس عايز أقول حاجة أن لما النت بيقع فى 95% من الحالات ما بتكونش مشكلة الشركة ... بتكون مشكله من السنترال .... يعنى هما مالهمش ذنب السنترال مش بتاعهم. و طبعاً لما النت تقع بنكلم خدمة العملاء علشان نظبطهم و نطلع النرفزة عليهم... و هما مافيش في أيدهم حاجة يعملوها .... و على فكرة يا جماعة ديه مش مشكلة تى أى داتا لوحدها أنما كل الشركات. النقطه السلبيه اللى عندهم هى الحسابات, الفواتير ساعات بتطلع بارقم غلط أو مش بتطلع خالص و يجو يطالبوك بيها بعدها بسنة و طبعاً بيكون مبلغ كبير... فالناس بس تركز فى الموضوع ده.