Talaat Harb Mall

Ali Ahmed

مول طلعت حرب ده من اكبر المولات الموجوده واقدمهم كمان مول طلعت حرب يتميز بالمكان الجميل التى يقع فى المول وسط البلد وانه مول طلعت حرب متعدد الطوابق وفيه كل المميزات من خدمه بنوك الى فيزا كارت وكمان فى مطاعم فى الدور الارضى لبيع بعض السندوتشات والوجبات السريعه وكمان البيبسي وجميع المشروبات وكمان فيه محلات ترفيهيه مثل العاب الجيمز او الكمبيوتر او البلستيشن وبه مخرجين لسهوله التطلع فى المول بس للاسف مول بيشمل بيع ملابس رجالي فقط بس ده ميمنعش انه هو من احسن المولات الموجوده فى مصر واقدمهم كمان وانا دايما بشترى من هناك

Farag Yahia

مول طبعا حرب مكانه متميز جدا والوصول ليه سهل جدا لأنو قريب من كل انواع المواصلات وفيه كل حاجه ممكن نحتاجها من ملابس بانواعها وهدايا وفضيات واحذيه دا غير العروض اللى بيقدمها انا كنت هناك من فتره قليله كانت المحلات هناك عامله عروض على الملابس بأسعار قليله وفيه مطاعم كتير واسعارها كويسه جدا وكافيهات كويسه ومشهوره الواحد ممكن يقضى خروجه كامله جوه المول يتفرج على الحاجات اللى موجوده فيه ويشترى اللى هوه محتاجه بس انا لاحظت ان المكان اللى موجود فيه المطاعم ضيق شويه لما كلت هناك حسيت ان الناس مش واخده راحتها لان المكان دايما زحمه.

Ahmad Ali

اول ميزه فيه المكان، ش طلعت حرب-وسط البلد. يعني قريب من اي حته وفي مواصلات كتير ممكن توصلك ليه. تاني ميزه المطعم اللي في الدور الارضي نظيف ويتوسط عدة محلات للاكل زي البيتزا ومحلات الشندوتشات وتقدر تطلب من اي محل فيهم، وده بجانب محل مخصص للفيديو جيم وفيه العاب حلوه واسعارها كويسه. نيجي بقه للمحلات، في محلات للملابس والاحذيه (الرياضيه/الكلاسيك) والعطور والاكسسوارات والساعات بس مش ماركات. موجود في المول محلات لماركات الملابس مثل (new born وseventy) وايضا يوجد ماركات للاحذيه. وايضا يوجد كافيه هادئ وديكوره جميل. بس العيب اللي فيه ان اغلب محلات الملابس مخصصه للملابس الرجالي ويوجد محل او اثنين للحريمي. وفي ميزه اخيره ان المول قريب من محلات العبد يعني بعد ما تخلص تسوق في المول ممكن تروح تحلّي من العبد D:

Abdelrahman Gamel

مركز تجارى فيه مميزات كتير جدا اهمها انه فى وسط البلد يعنى قريب من كل الناس المحلات اللى فيه كتيرة جدا ومتنوعة ومعظمها ملابس واحذية وفيها محلات ماركات عالمية ده غير محلات الهدايا والعطور وكمان محلات متخصصة فى بيع الساعات يعنى سنتر كامل فيه كل ما يخص الملابس وكمان فيه محلات متخصصة فى بيع الملابس والاحذية الرياضية وعلى فكرة بيبيعوا حاجات اوريجينال بس بتبقى غالية شوية الميزة الجامدة قوى فى المول ده هى الكافيتيريا اللى موجودة فى الدور الاول فيها مكان ترابيزات تقعد فيه وحواليك اكتر من مطعم تقدر تطلب من اللى انت عايزه وكمان فيه كافيه تحت اسمه مشهور بيقدم مشروبات جامدة جدا واسعاره فى المعقول قوى والديكور بتاع المكان عالى قوى وفيه ذوق انصحك تطلب فروت سلات بيعملوه هايل هناك ولو عايز تشترى احذية من المول عندك بيبو او الجباس حاجتهم حلوه قوى ومضمونة ولو احتجت تسحب فلوس هتلاقى ماكينتين صراف الى على باب المول .