Chunky's Sandwich & Fries

Mark Kamel

اسم مش مشهور قوى لكن اكيد متميز فى الاكل وخاصه الساندوتشات، الاكل من شانكيز جميل ليه طعم كده جميل بيقوم بعمله على اكمل وجه، ليه زبائن متميزين يذهبون اليه دائمآ كان نفسي ينوع اكتر فى الاكل وكمان يعمل دعايه اكتر عن نفسه، مش عارف ليه حابب اقول أنى الاسم كمان صعب فى النطق هو مش عربى بس برضه جميل مش عايز اقول ان الاسم هو اللى مخلى المطعم مالهوش اقبال كبير من الزبائن، انا ما جربتش غير الساندوتشات وكانت جميله والكومبو متميز، الاسعار كويسه مش مرتفعه خالص وكمان نظافه المكان تجعلك تأكل وانت متطمن سواء على الاكل نفسه أو القائمين على المكان يستحق التجربه.

Manar El Kady

مع انه مش معروف اوي الا انه بيقدم اكل حلو جدا, انا جربته مره بالصدفة وعجبني اوي وبعد كده بقيت على طول احب اكل من عنده. بيقدم ساندوتشات حلوه بجد وطعمها جميل ووجبات الكومبو عنده كمان حلوه اوي. بس اكتر حاجة مميزه هو بيقدمها هي البطاطس بجد مافيش حد بيعمل بطاطس محمرة زي المطعم ده خالص. اولا بيعملها في عبوة كبيرة اوي يعني ماتقدرش تخلصها وبيضيف عليها بهارات مشكلة وكاتشب ومايونيز كتير بيخلي طعمها يجنن بجد والسعر هناك مش غالي خالص بجد معقول يعني تاكل وتشبع عالاخر وماتدفعش كتير.