بيتزا هت

Ahmed Hamdy

المكان ده موقعه حلو جدا ويعتبر كبير وبتقدر تقعد براحتك وخصوصا انه فى دور عالى فبتقدر تبعد عن اللى بيبصوا عليك من الشارع، مشكلته بس انه اغلب الوقت بيبقى زحمه نتيجه لموقعه ولكن احلى وقت للقاعده فيه بتبقى بالليل بعد الساعة 11 او 12 بالليل، بيبقى فاضى والشارع هادى وكل ما اتأخر كل ما كان احسن، الأكل هناك يعتبر كويس والخدمه كويسه بصراحه مفيش حد مستهتر باللى شغال هناك اللى بيجى يتأكد بعد كده منك ان الخدمه تمام ولا لأ ولو فى حاجه ناقصه، ودايما الإبتسامه على وشهم، انا عن نفسى بحب المكان ده جدا ومتهيألى انه تانى احسن مكان لبيتزا هت بعد فرع المساحه فى الدقى واكتر حاجه حلوه عندهم هى البيتزا ال تشييزى بايتس، طعمها بيبقى فعلا حلو جدا.

Mohamed Abdel Rashid

تخيل ان البيتزا من عند خروجها من الفرن الى منزلك تأتيك ساخنة و هو ما ينطبق على بيتزا هت. و بيتزا هت بيتزا ساخنة ومقرمشة ولذيذة من اقوى المطاعم التى تقدم بيتزا فى الشرق الأوسط. يوجد العديد من انواع البيتزا مثل بيتزا سوبر سوبريم بان وسط تكفيك طوال اليوم، و تتكون من بيبرونى لحم بقرى ولحم بقرى صافى وسلامى بقرى وفلفل اخضر وجبنة مواتزاريلا وبصل ومشروم وزيتون اسود و بسعر 35 جنيه. و يمكنك اضافة اضافات اخرى مثل هوت دوج و فلفل ومشروم. اما عن المقبلات فتجد بطاطس ودجز وبافلو و ينجز حار واصابع خبز بالصوص البيتزا و تريو دجاج و جبنة. يميز بيتزا هت عن بقية المطاعم ابتكارها الى انواع جديدة من البيتزا مما يجذب اليها عملاء اكثر. هناك نوع جديد من البيتزا اسمه بى زون بيتزا دجاج سوبريم كومبو عبارة عن بيتزا مطوية محشية دجاج و طماطم وفلفل اخضر بصل ومشروم وجبنة موتزاريلا وجبنة بارميزان وزبدة وثوم وصوص طماطم و تقدم مع بطاطس ودجز وكانز بيبسى. والحلويات كيك شيوكولاتة وتشيز كيك بالفراولة. و الخدمة ممتزة جدا فى الفرع ده بالأخص لانه يقدم اجود انواع و كمان بجوار الادارة.

Mostafa Abd ElRahman

اطعم بيتزا وافضل فرع بيتزا، خدمة اكثر من ممتازة وراحة داخل المطعم، نظافة المكان الهدوء الى حد ما و هو المطلوب والسلطات الشهية منها سلطة البطاطس والكول سلو. مطعم مريح و العاملين يؤدون بلياقة ولباقة عالية بكل المقاييس واذا وجدوا اى شكوى يبدلون البتزا او الصنف فورا بلا تردد مع الاعتذار .... اكل جاااااااااااااامد موووووووووووووت.