فودافون مصر

أحمد عبد السميع

فودافون شركة محترمة وتعتبر أكبر شركة إتصالات في مصر واقوى شبكة في مصر وانا هنا هكتب رأي مش على الشبكة لكن على الفرع ده لأني لما زرت الفرع ده لقيت فيه عدة سليبيات ضايقاتني من الفرع والشركة كلها اول حاجة تحس انه الموظفين بطيئين والدنيا ماشيه بطىء عندهم تاني حاجه انا كنت عايز شريحة بيانات لي الانترنت والموظف الي خدتها منه قعد يفتي في حاجات ما يعرفهاش وبعد كده طلع كلامه غلط ولما رجعت ما اتفعلتش وكلمت خدمه العملاء وقالولي ما ينفعش وارجع لي الفرع وحوارات من دي لغاية لما حلولي المشكلة تالت حاجة الموظف الي بيشحنلك الارقام طريقة تعامله غير لبقة بصراحه لا يستحقون أن يمثلو أسم شركة فودافون

Ahmed Akl

فودافون هي الشبكة الاولى في مصر من وجهة نظري وانا معتز جدا بانضمامي لفودافون حيث انني انضممت لهذه الشبكة تقريبا منذ عام 1999 م ومنذ هذا الوقت وانا استمتع بالعروض المختلفة واتابع احدث الانظمة والتي تناسب كافة الطبقات اضافة الى افضل العروض الترويجية من رسائل او دقائق مجانية. وهذه العروض تثير دائما اصدقائي مستخدمي الشبكات الاخرى. افضل ما في هذه الشبكة هو التغطية التي اجدها اينما ذهبت وكذلك خدمة العملاء والمتواجدة تقريبا 24 ساعة سواء على الهاتف او داخل الفروع المنتشرة في انحاء الجمهورية وانا بالامس القريب كنت في فرع مصطفى النحاس. انا استخدم خطين لفودافون احدهما بيزنس والاخر خط مدفوع مقدما وانصح من يريد التميز باستخدام فودافون.

Manar El Kady

تعتبر فودافون هي اقوى شبكة في مصر انا عن نفسي بعتبرها رقم واحد لانها فعلا شبكة متميزة وقوية ده غير العروض اللي دايما بتقدمها واللي بتناسب وبترضي كل الفئات والمستويات, مراكز الخدمة لفودافون كتيرة وبتغطي مصر كلها وكمان خدمة العملاء في الشركة ممتازين وبيقدروا انهم يقدموا المساعدة للعملاء بشكل ممتاز سواء لو فيه استفسار او فيه مشكلة, خدمات الانترنت اللي بتقدمها كمان ممتازة واليو اس بي مودم بتاعهم يعتبر اقوى حاجة موجودة بين الشبكات التانية, فيه كمان حاجة عرفتها ان موبايل شوب اصبح من وكلاء فودافون يعني نقدر من خلال اي فرع من فروع موبايل شوب اننا ندفع الفاتورة او نشحن رصيد او نطلب اي خدمة من خدمات فودافون واعتقد ان نجاح الشركة يعتمد على تفوق شبكتها وتميزها في خدمة عملائها وحرصها على ابتكار منتجات جديدة.