MBC Channel

Mark Kamel

قنوات ام بى سى من القنوات اللى انا بعشقها وخاصه القنوات اللى بتقدم الاجنبى زى ام بى سي 2 القناه دي فعلآ مميزه جدآ وبتقدم مجموعه من الافلام الاجنبيه اللى فعلآ بتكون ليها جاذبيه وتنوع يعنى هاتلقى فى البرنامج اليومى للقناه الافلام الرومانسي والاكشن والمسلسلات والاجمل من كدا قناه ام بى سي اكشن القناه دى من وقت مانزلت وهيا فعلآ مميزه جدآ الحاجه الجميله اللى فرقت مع اغلب الناس انها بتقدم المصارعه الحره فى برنامج اسبوعى يفصله عن المباشر الحقيقى يومين او ثلاثه فقط الترجمه كمان مالهاش حل واعلانتها مش بتطول بجد قنوات تستحق المشاهده .

ولاء رشدى

هى فعلا قناة ممتعة جدا خاصة ام بى سى 3 بحب اتفرج عليها قوى ومفيدة جدا للطفل واحلى مافيها انها بتبسط المعلومة بشكل يقدر الطفل يستوعبه مش بس يتسلى.

Mohamed Rezq

طبعا لا يوجد شيء نقدر نقوله عن قنوات ام بي سي غير انها روعه ونقلة هائله في عالم الافلام الاجنبي والبرامج الهادفه وطبعا كل الناس بتتفرج عليها حتى المذيعين عشان يتعلمو من الامريكان اصول التوك شو واكيد هناك اوقات منقدرش نستغنى عن شاشة ام بي سي في برامج المسابقات العالميه اللي بتوفرهالنا مع اجود الامكانيات المتطوره والتكاليف اللي لا يبخلون بها من اجل امتاعنا واكيد الاطفال ليهم حيز كبير في اهتمام القائمين على مجموعة القنوات فقناة ام بي سي 3 ليها حيز كبير قوي عند الاطفال ببرامجها الهادفه ومسلسلاتها العالميه المترجمه بشكل رائع ويناسب الذوق العربي. طبعا لو بدانا كلام عن المجموعه مش هننتهي ولا بعد بكره الى الامام دوما.

Ahmed Elhemaly

سلسلة قنوات ام بى سى من افضل القنوات المتخصصة فى مجال الفضائيات وده مش كلامى لوحدى بل ده كلام كتير جدا من مشاهديها فى الوطن العربى وده اقل بكتير من اللى تستحقه قناة مماثلة لانها قناة غاية فى الروعة بتهتم بما يريده المشاهد العربى من افلام وده متمثل فى قنوات ام بى سى 2 وام بى سى اكشن وام بى سى ماكس وايضا بتهتم بالاسرة العربية وده من خلال قناة ام بى سى 4 واللى مليئة ببرامج تهم الاسرة العربية وده غير قناة ام بى سى 3 واللى بتهتم بالاطفال من خلال تقديم برامج حصرية على شاشتها اخرها على سبيل المثال برنامج شون ذا شيب وبرنامج مزرعة المشاغبين وايضا سبونج بوب وكذلك بتهتم سلسلة قنوات ام بى سى بالدراما العربية من خلال قناة ام بى سى دراما.