Akram Gad Restaurants

Muhammad Ameer

مطعم جاد من أكتر المطاعم الشعبية المنتشرة في مصر وبيقدم ساندوتشات فول وطعمية ومنيو متنوع جدا لجميع الأذواق الشرقية وأيضا أطباق مشويات وفطائر وبيتزا، تقييمي للمطعم بيختلف من فرع لآخر فرع المعادي شارع النصر جيد وفرع المعادي شارع 9 جيد جدا وفرع وسط البلد أقل منهم في الإهتمام بالطلبات بسبب الضغط العالي عليه، الفول والفطائر والبطاطس دايما ممتازين في جميع الفروع، البيتزا مختلفة عن المطاعم المتخصصة في البيتزا لكن اختيار مختلف وجيد جدا عندهم لو مش بتمانع انها دسمة شوية بس مشبعة جدا والإضافات بتبقى بكميات كويسه الشاورما ايضا من أكتر الحاجات اللي عليها طلب في جاد وبيعملها فوق الممتاز، نصيحة: جرب الساندوشات الشرقية التقليدية زي الفول والطعمية والبيض بالبسطرمة والشاورما وابعد عن السجق والفول بالسجق والحاجات اللي معليهاش طلب كتير، ولما تزهق جرب البيتزا والجبنة الرومي المقلية.

Hytham Hamada

اول لما نذكر مطعم جاد بيخطر فى فكرنا كل حاجه عنده لانه بيقدم اشهى الماكولات الشرقيه دة طبعا بخلاف العيش المخبوز داخل اى مطعم اللى بيخليك تاكل العيش حاف ولازم طبعا نذكر انه صاحب اول اختراع للجبنه الرومى المقليه الوهميه ولما نذكر الفطائر الشرقية لازم مننساش احلى طعم فطيره بالكاسترد فى مصر من جاد والطعميه المحشيه ايضا هو صاحب اول اختراع ليها اللى كل عشاق الشطه المولعه والفول المضروب اللى انت بتاكلو فى اى مطعم من مطاعم جاد الطعم بيكون هو هو مفيش اى اختلاف انا دايما بحب اقعد فى فرع وسط البلد لانه يمتلك اكبر قاعه ماكولات لجاد على الاطلاق بكون واثق دائما ان هيوجد مكان لكى اسمتع باكله من داخله.

Mesho Sameer

سلسلة مطاعم جاد فرع وسط البلد، من أفضل المطاعم التى تقدم ساندوتشات التيك آوى فى مصر فهى متميزة بالنظافه والسرعه كما انها متميزة بالنظام والتعامل الممتاز مع الجمهور أما عن فرع وسط البلد فانا استعملته كثيرا الوقت الماضي وبالاخص فى فترة الثورة. يعجبنى هذا الفرع بانه كبير وعلى شارع واسع وهذا يجعل من العثور عليه سهوله. أكلت من عنده فول وطعميه وبطاطس وحقيقي بلا مبالغه الاكل شهى جدا ونظيف. مطاعم جاد تقدم اكل فى متناول الناس متوسطي الدخل فستجد الفول والطعميه كما انك ستجد الفراخ والشاورمه وغيرها وهذا يجعل الناس تقبل عليها كثيرا. انصح بزيارة الفرع والتعامل معه وسيعجبك كثيرا.

Mohab Adel Hassan

مطعم جاد وخصوصا اللى فى 26 يوليو يعتبر من اكبر المطاعم فى السلسله من حيث الاقبال الشديد عليه وذللك لتميزه فى الوجبات والاطعمه وشمله لجميع الاطعمه فى المينيو وكذللك لرخص اسعاره بما يتوافق مع الجميع وايضا من بعض مميزاته هو تخصيص طابق علوى للعائلات وكبر مساحه هذا الطابق حتى يتسع لاستقبال اكبر عدد ممكن من الزبائن وكذللك حرص اداره المطعم على نظافه المكان وبالنسبه للاكلات من وجهه نظرى وعن تجربه شخصيه احلى قسم من حيث الوجبات قسم المشويات بانواعها سواء فراخ طرب كباب بصراحه تحفه وبالنسبه للساندوتشات وخاصه البانيه والشاورمه والجبنه المقليه تحفه وايضا الجدير بالذكر هو احتواء المطعم على قسم خاص بالعصائر وصراحه بيقوموا بعمل العديد من العصائر الجميله ومنها الفراوله وايضا الفروت سلاط جميل جدا وقاموا بادخال نوع جديد من العصائر فى المينيو حديثا وهو الليمون بالنعناع بس بصراحه تحفه تحس بالانتعاش لما تشربه.

Mohammed MOSTAFA

مطاعم جاد اللى مبيحبش الفول والطعميه يجرب ياكل من هناك اكيد هيحبهم انا مبكلش فى وسط البلد فول وطعميه الا من عند جاد وحتى المخلل بتاعه مش ممكن هوة كمان دلوقتى بيعمل شاورمه فراخ ولحمه ومسقعه واصناف بطاطس مختلفة والقعده اللى عملها فى وسط البلد رائعه ومهما كان زحمه بيجبولك طلبك على طول كمان انا جربت فرع عباس العقاد واللى فى شارع البطراوى كلهم زى بعض طعم جميل وخدمه ممتازة وكمان فرع الرحاب ممتاز واسعارهم كلها حلوة جدا جدا لكل انواع الساندويتشات مش بس الفول والطعميه.