Arous El Bahr Fish Restaurant

Eman Mokabel

مهما تحدثت عن مطعم اسماك عروس البحر فلن استطيع ان اصف مدى لذة وتميز مذاق اطباق الاسماك هناك، فهذا المطعم المتخصص فى الطعام البحرى فقط يقدم جميع انواع الاسماك وفواكة البحر والمحار وارز الصيادية والمكرونة السى فوود، بالاضافة الى مجموعة متنوعة ومتميزة من السلاطات والمقبلات، وهو من اقدم المطاعم البحرية فى الاسكندرية ذات التاريخ المتميز، ويتميز المطعم بالديكورات الفريدة التى تعبر عن الاجواء السكندرية والبحرية، بالاضافة الى الخدمة المتميزة التى تتسم بالسرعة والكفاءة، وعن جدارة يستحق هذا المطعم ان يكون مقصد لكل السكندريين وابناء المحافظات الاخرى

Mohamed Ragab

المطعم المفضل بالنسبه لى فى عروس البحر الابيض المتوسط ( الاسكندريه ) اهم ما يميز المطعم ده موقعه ممتاز جدا المكان ممتاز الاكل طازه اسعاره رخيصه جدا مقارنه باسعار مطاعم الاسماك فى الاسكندريه وغير الاسكندريه اجمد وجبه عنده هو البورى السنجارى ممتاز جدااااااا وشوربه السى فود مالهاش حل كمان فيليه السمك. المطعم ده كمان بيقدم سلاطات كتير اوووووى مع وجبه السمك وزى مانت عاوز كل ماتنتهى السلاطات تطلب المزيد منها

Medo Medo

المطعم ده بجد يا جماعه اللي يروح اسكندريه لازم يجرب الاكل فيه لانه مطعم جامد جدا و الاكل فيه دايما طازه و الحاجات الكويسه عنده انه اولا المكان كبير جدا هناك و فيه ممكن تاكل داخل المطعم و ممكن تاكل بره و الاكل في المطعم جوه احسن و انت ممكن تنزل تنقي السمك براحتك و تطلب طريقه تسويته زي ما انت عايز و عندهم كمان بوفيه سلطات تحفه و الاكل عندهم كله متميز زي الجمبري المشوي و الفيليه المقلي و السمك البوري السنجاري و البلطي المقلي و الخدمه كمان ممتازه بس المطعم زحمه على طول فممكن الاكل يتاخر و ده غصب عنهم و كان عندهم شوربه بيجيبوها في كوبايه كان لونها احمر انا كنت مستغربها جدا مش عارف دي اه فلو حد راح و جربها يقولي دي شوربه اه و الحاجه اللي استغربتها جدا ان انت بتاكل و بتنزل تحاسب امام المطعم و بتنزل لوحدك تقول للكاشير انت اخدت ايه و يحاسبك عليه و المكان مكيف و المطعم مشهور جدا في منطقه بحري