Auto Market Restaurant & Cafe

محمود ناجى نصرالدين محمد

محل اوتو ماركت ده محل مشهور جدا جدا فى المهندسيين من ضمن المحلات اللى بتقدم ماكولات تيك اواى وسندوتشات وكدة .بجد المحل ده جامد جدا وكمان ليه ديكور مميز جدا وشكله جميل . اما بقى عن الاكل بتاعه فهو جميل جدا وطعمه لايعلا عليه وبجد ممكن مايكونش فى نفس الطعم ده فى اى مكان تانى . اما بقى لما نيجى نتكلم عن الاسعار فاسعاره رخيصة جدا جدا . وكمان بيعمل مجموعة مختلفة من الاطباق واللى تشدك بس من مجرد اسمها. اما بقى الخدمة فهى متميزة جدا . وكمان المحل نظيف جدا وطبعا ديه اه حاجة فى اى مكان بيقدم ماكولات . بجد كلكوا لازم تروحوا تجربوه لانه من الاخر محل جامد جدا.

Mohamed Mahmoud

اوتو ماركت مشهور اوي بالسندوتشات التيك اواي بتاعته اللي لو انت ساكن في اخر الدنيا بتجيلك طازة وسخنة وهو مش شغال في السندوتشات بس لا عنده وجبات تكفي فردين وكمان عنده اطباق جميلة اوي وفيه اكلات كتير عنده مشتقة من اسماء غريبة زي طبق الماشينكاح اللي اتشهر بيه مرة واحدة وكمان هتلاقي عنده الكبدة الاسكندراني الرائعة وطبعا جنب الاكل الجميل ده هتبقي محتاج سلطات هتلاقي كل اللي انت عايزه من سلطات انا بجيب دايما سلطة الطحينة من عنده عشان مميزة جدا وغير كدة البطاطس المحمرة بيعملها كويس اوي وكمان بيعمل حواوشي من شكله جميل ان امش كلته واحد صاحبي هو اللي طلبه كفاية ريحته اللي تجوع الاسعار عنده جميلة جدا ومناسبة لجيب اي حد وكمان الطيارين بيجيلوك بسرعة اوي الا اذا الطريق كان وحش فده مش بيبقي في ايدهم ولو حصل ده بيعتزروا كتير اوي.

Marium Mohamed

المكان ده لو شوفته من بعيد مش هتعرف هوه كشك ولا محل ولا ايه بظبط المحل شبه عربية القطر و شبه الكرافان بتاع زمان. المهم المكان ده بيشتهر باكلات كتير ومنها حاجة اسمها الفشنكاح الطبق ده عبارة عن ورق عنب وممبار ضانى وبقرى وفوقيهوم قطعتين من كل انواع اللحوم الى ممكن تتخيلها زى الكباب والكفته والفراخ والكانيلونى وبانية واسكالوب بانية وشيش طاووق كل اللى نفسك فيه يعنى هتلاقيه. احنا طبعا طلبنا دليفرى وطلبنا الطبق ده لشخصين وكان ب 55 حنيه بس بجد كان خرافة لازم تجربوه. وبردوه ساندوتش البانية المضغوط كان تحفه وكان ب 14 جنيه.