Casper & Gambini's

عماد المعظمي

هوى فعلا مطاعم وكافيه مميز جدا لان فيه كل ماتحتاجه من وسائل الاسترخاء كاكفيه والهايل فيه انك ممكن تعمل فيه كل حاجه يعني ممكن تاخد وجبه ومش هتحتاج تروح كافيه لان فيه كمان كافيه والمحل موقعه ممتاز وديكوره جميل يخليك تحس انك في جو هادي فعلا والناس الي موجوده في المكان لهم خبره كبيره في هذاالمجال وكمان لأنه موجودفي مكان فخم ابراج نيل ستي والكورنيش جمبه كمان فعلا ده مكان روعه وجميل جدا والمميز فيه انه فيه خدمة التوصيل للمنازل (الدليفري) وفيه اقسام مختلفه قسم للاطفال وبار للمشربات واحله حاجه بجد انه مفيش فيه خمور واسعار المطعم بجد كويسه يعني تجزب اي حدللمكان انا بجد عجبني المكان فعلا المطعم رائع.

Shaimaa Saber

كاسبر اند جامبينيز مطعم هايل واحلى حاجه فيه انه موجود في ابراج نايل سيتى اللى على الكورنيش، بس المشكله انه مش بيطل على النيل. لو جى بعربية متقلقش لان في باركينج خاص بابراج نايل سيتى، حاجه مهمه جدا في المطعم انه عنده دليفرى بيبقي من الساعه 9 الصبح لغايه 12 بالليل بس في مناطق معينه زى المهندسين، الدقى، الزمالك وكورنيش النيل . بس يا جماعه بجد المكان مميز جدا شكل الكراسي اللى بتقعد عليها والديكور بتاعه سواء داخل المطعم او من بره بجد وهمى، وكمان اكله ممتاز بيعمل سيزار سالات وساندويتش اسمه كلوب بانينى تحفه. وبالنسبه للمشروبات ليها بار منفصل بس المشروبات كلها سوفت درينكز مش بيقدمو اى خمور،كمان في مكان خاص بالاطفال ومنيو مميزة ليهم. متوسط سعر الفرد بيوصل ل 60 جنيه يعنى انا شايفاه مناسب وبيقبلو الدفع بالكريديت كارد. عندهم حاجه مهمه جدا انهم بيقدمو خدمه كاترينج يعنى ممكن يعملو الاكل الخاص بمناسبه معينه بس ده طبعا لازم يكون بالحجز من قبلها. كمان لو حد رايح مع صحابة في مناسبه او ويك اند او حتى من غير مناسبه لازم يحجز لان لمكان مش كبير ومش بيساع اكتر من 12 فرد بس.