Children's Cancer Hospital Egypt

Ali Ahmed

مستشفى سرطان الاطفال وهيا متسشفى مصريه صناعه مصريه بفلوس كل واحد مصرى وهيا المشهوره باسم 57357 وده الرقم اللى يقبل التبرعات من جميع الشركات ورجال الاعمال وكل واحد فى مصر والعرب كمان لانها بضم اكبر صرح من الدكاتره الموجوده فى مصر وانه مستشفى من المستشفيات التى تعالج المصريين مجانى على حساب المستشفى وده من صنع المصريين العظماء عايز اقول حاجه صغيره كل مصر مشتركه فى بناء هذه المستشفى الكبيره جدا لانهم كانو بيلمو التبرعات من المدارس وصل لان كل فرد كان بيدفع جنيه واد فقط لبناء المستشفى وهيا بتساعد الكثير من الناس المرضى الموجودين بهذا المرض اللعين والخبيث وربنا يحفظنا كلنا من هذا المرض ويارب دايما يا مصريين تفكره فى بلدنا زى ما عملتو المستشفى دى

Mohamed Elhusieny

صرح طبى عظيم وفخر لاى مواطن مصرى وفخر لكل المصريين ان فى مستشفى او صرح طبى زى دة موجود فى مصر هو صرح طبى عظيم وغير كدة كمان بيعالج المرض الذى يغلب امامة معظم اطباء العالم وهى بنيت بجهود شعب واهل مصر الطيبين والمستشفى دى فعلا انجاز مصرى متميز جدا والصرح الطبى العظيم دة اثبت جدارتة فعلا حول العالم والعالم بأكمله شهد باالانجاز الذى يتم بداخله بصراحة والمستشفى اتفتحت بالظبط للمرضى فى عام 2007 ميلاديا وعالجت الكثير من الحالات المستعصية امام المرض الخبيث وبحمد الله اثبت الدكاترة المصريين براعتهم بداخل هذا الصرح الطبى العظيم ويجب علينا الاستمرار بالتبرع لهذا الصرح العظيم حتى يكون انجح واكبر صرح طبى فى العالم بأكمله.

Mohamed Rezq

التجاره الرابحه دايما هي التجاره مع الله وده افضل مكان تتاجر فيه مع الله لانك بتشوف الصدقه بتعمل ايه فهي بتحيي انسان وتشيل عنه مرض خبيث وتفرح اهله خصوصا لو كان المريض ده طفل بريء وبسبب الهدف السامي ده اصبح المشروع ده اكبر مشروع خيري ياخد شهره على مستوى العالم من خلال الاعلانات الكتيره في التلفزيون والراديو والجرايد وكل وسائل الاعلان وكل الشخصيات الهامه والمشهوره بتتوجه ليهم ويتبرعوا من اجل استمرار هذا العمل الخيري العظيم وطبعا النظام هناك افضل ما يكون واجهزه احدث من اي مكان عالي وان شاء الله قريبا بفضل الله وبفضل الاطباء المحترفين اللي بيعملو بدون اجر المستشفى يوصل لنسبة الشفاء العالميه ونتخطاها باذن الله ويارب ينتهو من العمل في المستشفى الجديد في طنطا في اقرب وقت.

Ahmed Fahmi

من اعظم المشاريع اللى عملها الشعب المصرى وهى اكبر دليل على ان الشعب ده شعب عظيم ولما بيبقى ليه هدف محدد بيعمله. ربنا يشفى كل طفل حصل له ابتلاء بالمرض اللعين

Mohamed Abdel Rashid

مستشفى سرطان اطفال مصر، ايدى فى ايدك حلم ولادنا بين ايديك. تخيل ابنك او شخص عزيز اليك احتاج الى مساعدتك وانت مش قادر تمد ايديك ان تساعده، هذا ما ينطبق على الحالات الفقيرة التى لاتجد المال لمعالجة ابنائهم. اتبرع ولو بجنيه هيفرق كثير فى مساعدة الاطفال الفقيرة فى علاجهم و هناك العديد من البنوك يمكنك التبرع فيها مثل البنك التجارى الدولى، البنك الاهلى المصرى والبنك العربى. يجب علينا كافراد التبرع لمستشفى لسة محتاجة كثير لكى تكون متكاملة يوجد حاليا جهود لبناء فرع فى طنطا. و هذا الفرع له بنوك خاصة بيه للتبرع مثل بنك عودة وبنك القاهرة. تبرعك ده يبقى صدقة جارية يارب اشفى كل مريض. بجد لازم يكون ليك زيارة لرؤية المستشفى على و ضعها الحالى و التطورات الجديدة و قسم الابحاث العلمية لايجاد الحلول اللزمة لهذا المرض اللعين. يقوم بادارة المستشفى مجموعة من المتطوعين و اول لقاء بينهم كان عام 1995، و من هذا الاجتماع جأت فكرة المستشفى57357. لسة المشوار طويل المفروض كلنا نبقى ايد واحدة لتكملت المشوار والقضاء على المرض اللعين.

Hany Fathy

فى مكان ما ينعم الأطفال ببهجة الحياة... فى مكان آخر يصارعون للبقاء على قيد الحياة... فى النهاية كلهم أطفالنا.. ده مش مجرد قول مأثور..دى حكاية كبيرة قوى حكاية صرح كبير كل مصرى لازم يبقى فخور به ومش بس كده ده لازم كلنا نساهم فيه. الصرح ده هو مستشفى سرطان الأطفال 57357. على فكرة دى مش مجرد مستشفى ده مشروع بيقول إن مصر دى أعظم بلد فى الدنيا كلها والمصريين دول أعظم شعب فى الدنيا كلها. لما مستشفى زى دى تحصل على التمويل اللازم لبنائها من خلال التبرعات يبقى إحنا فعلا أعظم شعب فى الدنيا. لو عايزين تعرفوا الحكاية كلها بيبقى لازم تروحوا تشوفها وتزوروا الأطفال هناك..هما بيفرحوا قوى لما حد يزورهم.أنا ممكن احكى أول الحكاية وأقول إن فكرة الإعداد للمشروع بدأت سنة 1995 وفى سنة 1999 منحت محافظة القاهرة الأرض اللى بنيت عليها المستشفى وفى شهر يوليو من نفس العام تم وضع حجر الأساس وفى نوفمبر 2000 بدء العمل ببناء سور حول الموقع وفى ديسمبر وفى يوليو 2000 بدء الحفر وفى يوليو 2001بدء إنشاء الأساسات وفى مارس 2002 بدأ إنشاءالهيكل الخارجى وتم الإنتهاء منه فى يونيو 2003 وفى مارس 2004 تم البدء فى مرحلة التجهيزات الكهربائية و الميكانيكية و التجهيزات الداخلية و فى مارس 2007 تم وصول أول مجموعة أجهزة طبية و وصول قطع الأثاث الحاص بالمستشفى و فى 7 / 7 / 2007 فتحت المستشفى أبوابها للمرضى بمرحلة تشغيل مبدئية 40 سرير.. دى كانت أول الحكاية بس دى حكاية مالهاش نهاية طول ما فى ناس بتحب الخير. أنا عايز أقول حاجة أخيرة انك ممكن تتبرع من تليفونك بدقيقة كل يوم لو اتصلت على الرقم 1468 أو 2357 الدقيقة مش حتفرق معاك بس فعلا ممكن تفرق مع حياة طفل بيصارع المرض علشان بيبقى على قيد الحياة.

Bassem Shenoda

A very good hospital that was founded on donations to help people who don't have money in curing their children from the cancer disease.