El Serag City Mall

Bilal Saad

من افضل المولات الموجوده في القاهرة بل في مصر كلها بلا شك صراحة المول كبير وشكله حلو واستايله عالى وهو يعتبر اكتر من مول في بعض اكتر من مبنى تقريبا تقدر تقول عليه سيتى ستارز بس مش قوي يعني لكن بصراحه التسوق فيه ه تحفه انا روحته تلات مرات مره كنت بعمل صيانه على اللاب بتاعي وطلع محتاج شاشه غيرتاه من هناك من محل اسمه العابد ومره دخلت كنتاكي اللى هناك اتعشيت فيه الهدوء هناك شىء كتييير موجود والمره الاخيره اخر مره دخلت السينما كان فيلم كف القمر لخالد صالح والسينما منظمه وفيها ذوق والساوند سيستم كان ممتاز ويضاهي سينما جنبنه

Shady Arafa

السراج مول ده عشقي انا بحب اروح هناك واتفرج علي محلات الموبيلات الكتير اللي هناك وفي كل مره بلاقي نفسي بشتري حاجه بجد جامد والمنافسه اللي فيه روحها حلوه لدرجه غريبه فعلا وكل الجديد في المحمول موجود هناك لدرجه ان ممكن اجهزه مسمعناش عنها تكون موجوده وغير كده المول نفسه دمه خفيف ومتزهقش بسرعه منه وكل مره تروحو لازم تلاقي جديد. يعني من الاخر هتشتري هتشتري والناس اللي هناك بجد عباقره في الصيانه انا كان معايا اي فون محدش عرف يعمل فيه حاجه ولا اتصلح غير هناك هي كانت مشكله سوفت وير واسعاره يعني في المعقول بجد انا بحب السراج مول

أحمد عبد السميع

مول كويس نوعا ما لو انتا رايح عشان موبايلات هتلاقي حاجات حلووة كتير هناك وممكن تلاقي كفرات لي الموبايل ماتلاقيهاش في حته تانية اما لو انتا رايح عشان ملابس وحاجات زي كده فالحاجات دي محدودة جدا هناك أما بالنسبه لي الكافيهات فهناك فيه كذا كافيه جامد زي تايجر وليكشن وكذا حاجه بتمتاز بخدمة على أعلى مستوى وشيش ومعسلات جامدة جدا وبالنسبه المطاعم في هناك كنتاكي وماكدونالدز وهارديز ومطاعم تانيه كتير بس دول أبرزهم وبالنسبه لي السينما ففيها كذا قاعة عرض حوالي 3 او 4 بس كلهم كانو بيعرضو أفلام عربي بس وعموما المول حلو بس مش مول فايف ستارز