Gad Restaurants

Mostafa Anwar

جاد انا من عشاق اكله و بيعمل حاجات كتير جدا و الشاورمه عنده و البرجر حلوييين جدا و كل حاجه فيه حلوه وهو من اكتر المطاعم الى معروفه فى مصر كلها اعتقد يعنى بس هوا فعلا يستحق بس العيب الى فيه انى لما بيكون عنده زحمه كتير مبيكنش سريع فى خدمته و النظافه فيه مش قد كده والعاملين فيه مش بيحافظوا على ارضاء العميل اوى يعنى بس هوا من اكثر المطاعم الى باكل من عندها يعنى بس مش ديمن بيكون اكله حلو ساعات بيكون اكله حلو و ساعات مش اوى و ساعات مش حلو خالص مش عارف ايه السبب بس ديما لما الاكل مش بيبقى حلو بيكون عنده زحمه كتيير و اعتقد انى ده اكبر خطا فى المطعم ده

Mahmoud Hosny

عندنا هنا في 6 أكتوبر للأسف مطاعم جاد أتغيرت خالص عن زمان في الجودة و الأسعار ولما روحت الأسكندريه من أوريب فوجئت بالأختلاف الرهيب عن المحلات الموجوده هنا بس لسا الواحد بيروح هناك علشان ياكل البيتزا و الفطير بتاعتهوم رهيبة وهي الحاجات الوحيدة اللي لسا متغيرتش و بالنسبه لسندوتشات الفول و البطاطس دول أكتر حاجتين لغايت دلوئتي بجبهوم من هناك مع أن مستواهم قل بس لسا بنجبهم والعيش بتعهم تحفه (الشامي طبعا) بطلت أكل الطعميه من هناك مش عارف بئت تئيله أوي بسبب الزيت أما يالنسبه للخدمه جيده جدا أنا بصراحه المحل الوحيد من محلات الفول و الطعميه الي لئيت عندو خدمه جيده كدا وبصراحه لو حد عايز يعزم حد عالفطار أنا أرشحهوله