Ice Cream Azza

محمد خميس

جيلاتى عزة يجب ان يدرجها اى مصمم رحلات فى رحلته فى الاسكندرية او الى الاسكندرية فلا يمكن ان تذهب الى منطقة بحرى فى الاسكندرية ولا تحصل على واحدة من الجيلاتى الممتع المتنوع بالطبع النكهات والاشكال واذا كنت جائعا فلابد ان تحصل على طبق ام على الساخن والذى يغمرك بالعرق فى عز الشتاء. كنت اذهب الى جيلاتى عزة انا وخطيبتى وكم امضيا اوقاتا جميلة ونحن نأكل الجيلاتى وعندما تزوجنا كنا نأكل اطباق الكسكسى الذى ينفرد به وكذلك البليلة والارز بالبن والجيلى وتصر ابنتى ان تحصل على الجيلاتى فى البسكويت لأن طعمه لا ينسى

Hany Afify

اكيد مفيش حد عاشق لاسكندرية وما يعرفش يعنى ايه جيلاتى عزة . انا من ضمن الطقوس المميزة التى لابد من فعلها عند النزول للاسكندرية ان نذهب انا واصدقائى للتنزه على الكورنيش ولابد ان ناكل الجيلاتى اللذيذ من عند جيلاتى عزة فهو من اشهر واحسن المحلات لصنع الجيلاتى وعلى فكرة هو له فروع كتير اوى فى اسكندرية واكترها على البحر يعنى ما اعتقدش حد راح اسكندرية حتى ولو يوم واحد وماشفش جيلاتى عزة. انا فاكر كنت فى مرة انا واصحابى رايحين قلعة قايتباى والجو كان حر ولقينا قدامنا قبل ما ندخل القلعة محل جيلاتى عزة صدقونى فرحتنا كانت لا توصف واحنا بناكل الجيلاتى وداخلين القلعة.

Mohamed Rezq

طبعا غني عن التعريف هذا الاسم العريق ومن المؤكد انه محدش نزل اسكندريه قبل كده سواء شتاء او صيف ومجربش وداق جيلاتي عزه اللي كل الناس بتحكي عنه وبيشكر فيه واللي اعرفه عنه انه جابوه مره في التلفزيون في برنامج بتاع اشرف عبد الباقي وحكو كل تاريخ المحل من ايام زمان وقصة كفاحه الطويله اللي تكللت بنجاحه العظيم ده وبصراحه حكايتها ادتني امل من جديد اننا نبقى حاجه كبيره لو ابتدينا صغيرين. وطبعا مننساش الموقع المميز للمحل على البحر مباشره اللي بيديله هيبه اكبر بين المحلات المجاوره واتمنى انهم يزيدو انواع واطعام الايس كريم اللي بيقدموه عشان الناس اللي بييجو من كل انحاء مصر ينبسطوا اكتر واكتر.