Les Dames

Mohamed Diab Diab

لدام بدء كبيزنيس عائلى لمحل حلويات صغير و رغم أنه كبر و بقى ليه كذا فرع فأصحابه لسة محافظين عليه و على جودة منتجاته و كمان حافظ على أسعارة المناسبة. الحقيقة بقى صعب قوى تلاقى مكان جودة منتجاته عالية و سعره رخيص... بس المعادلة بسيطة مش المهم المكسب الكبير المهم هو رضا العملاء و ده فعلاً سياسة أصحاب المحل... فعلاً خدمة ممتازة و راقية جداً الحلويات الغربية ممتازة عنده بالزات التورت... بس الحاجة اللى فعلاً بيعملها أفضل من أي محل حلويات فى مصر هى الساليزونات والبيتي فور. مكونتها طازجة جداً و غنية و تحس بطعم كل حاجة أنت بتكلها مش شكل و بس. دايماً بجيب من عانده ال "فينجر فودز" لما بيكون عندى عزومة أو مناسبة عائلية أو عيد ميلاد... أنصح أى حد عايز يشترى حاجة أنه يحجزها الأول لأن الحاجة بتخلص من عنده بسرعة أوى و الجر عليه كتير فممكن تروح و ماتلاقيش اللى أنت عايزة أو متلاقيش الكمية اللى أنت عايزها.