Loula Fish

محمود ناجى نصرالدين محمد

سلسلة محلات اسماك لولا للاسماك والماكولات البحرية من افضل واحسن مطاعم الاسماك فى مصر. المطعم ده بصراحة جامد اخر حاجة. لما نيجى نتكلم عن الاكل فالاكل عنده متميز جدا وطعمه لذيذ اوى . وبيعمل مجموعة متنوعه من الاسماك وبطرق مختلفة وبتتناسب مع كل الاذواق. اما بقى لما نيجى نتكلم عن السعار فاسعاره فى المعقول ياعنى ولا غالية ولا رخيصة . المحل ده على طول بيبقى زحمة . اما بقى الدليفرى بتاعه سريع جدا بيوصلك الاكل سخن اكنه لسة معمول قدامك. والخدمة هناك متميزة جدا . وكمان المطعم نظيف جدا وطبعا النظافة ديه اهم حاجة فى المطاعم. لازم كلكوا تروحوا تاكلوا من عند اسماك لولا وبجد هيعجبكوا اوى.

Motaz Bellah Hesham

اسماك لولا من محلات السمك اللى بحب اروحها كتير، واحلى حاجة ممكن تجيبها من هناك هي الجمبري بانواعه، ولولا ليه تقريبا 3 فروع في مصر ,المهندسين ومارينا والزمالك وانا غالبا بتعامل مع فرع المهندسين، توصيل الاطلبات للمنازل ما بياخدش وقت ودي ميزة كبيرة جدا لان غالبا يا اما بتطلب من التليفون يا اما بتروح تاخد الاكل وتمشي لان المطعم من جوة مش منظم للدرجة انك تقعد فيه ده غير ان مفيش ركنة للعربية سواء فرع المهندسين او الزمالك، الاسعار تعتبر معقولة جدا و مش غالية، فرع المهندسين بيتميز انه قدام نادي الزمالك وبالتالى ناس كتير اوى من اللى داخلين او خارجين من النادي بيجيبوا الغدا من عنده، صراحة انا بعتبر لولا من انجح محلات الاسماك في مصر وبنصح كل الناس انها تجربه.